Rasahridaya 4

Rasahṛdaya 4

Language: Sanskrit

4.1

iti paramahaṃsaparivrājakācāryaśrīmadgovindabhagavatpādaviracite
rasahṛdayākhye tantre nirmukhavāsanāmukhāntarbhūtasamusvapatrābhrakacāraṇātmakastṛtīyo'vabodhaḥ
atha caturtho'vabodhaḥ
kṛṣṇo raktaḥ pīto dhmāto'pi sthūlatārakārahitaḥ
vajrī sa pītakarmaṇi pātitasatvo ghano yojyaḥ

4.11

sūryātapapītarasāḥ svalpaṃ muñcanti dhātavaḥ satvam
svasthānasthāḥ santo muñcanti ta eva bhūyiṣṭham

4.12

bahugambhīraṃ dhmāto varṣati meghaḥ suvarṇadhārābhiḥ
devamukhatulyamamalaṃ patitaṃ satvaṃ tathā vindyāt‌

4.8

sūte'pi rasāyanināṃ yojyaṃ parikīrtitaṃ paraṃ sattvam
trividhaṃ gaganamabhakṣyaṃ kācaṃ kiṭṭaṃ ca patrarajaḥ

4.6

muñcati sattvaṃ dhmātastṛṇasāravikārakairdhanaḥ khinnaḥ
parihṛtya kācakiṭṭaṃ grāhyaṃ sāraṃ prayatnena

4.10

svedyo baddhvā piṇḍaṃ māhiṣadadhidugdhamūtraśakṛdājyaiḥ
atha pañcagavyayuktaḥ sattvaṃ pātayati lohanibham

4.5

nādhaḥ patati na cordhvaṃ tiṣṭhati yantre bhavedanudgārī
abhrakajīrṇaḥ sūtaḥ pakṣacchinnaḥ sa vijñeyaḥ

4.6-2

śvetādicaturvarṇāḥ kathitāste sthūlatārakārahitāḥ
vajrī sattvaṃ muñcatyapare dhmātāśca kācatāṃ yānti

4.7

sitaraktāsitapītā ye kecidudāhṛtā ghanā loke
alpabalā niḥsatvā vajrī śreṣṭhastu sarveṣām

Commentaries (1)

Rasahdayaṭīkā — Caturbhuja Miśra, Sanskrit

Linked texts (1)

Rasahṛdayatantra — Govinda Bhagavatpāda (alchemist), Sanskrit