Kakacandi 1
Kākacaṇḍī 1
- Language
- Sanskrit
1.1
oṣadhī kathitā pūrvaṃ brahmaṇā tu mahātmanā
aparājitā ca loke'smin vikhyātā girikarṇikā
1.2
puṣye samuddhṛtā samyag haste coddhṛtya vā punaḥ
sūryācandramasorgrāse mūlamutpāṭya yatnataḥ
1.3
puṣpakāle ca puṣpāṇi mūlānyādāya buddhimān
kṛṣṇāṣṭamīcaturdaśyoḥ mahādevasya sannidhau
1.4
śuklavāsāḥ śucirbhūtvā kaṣāyaparivarjitaḥ
tato vaṭi ca kṛtvā tāṃ chāyāśuṣkāṃ ca kārayet
1.5
lalāṭe tilakaṃ kṛtvā yaṃ yaṃ paśyati mānavaḥ
dṛṣṭamātreṇa duṣṭo'pi kuryāddāśaṃ svadāsavat
1.6
saṅgrāme śatrusaṅghāte'kāṇḍe'vārye'pyanuttame
mohayet parasainyāni mukhasaṃsthe mahauṣadhe
1.7
aṅgasyodvartanaṃ kṛtvā svayonyāṃ vāpi lepayet
bhūyāṃsastena jīvanti yāvajjīvaṃ na saṃśayaḥ
Linked texts (1)
- Kākacaṇḍīśvarakalpatantra — Kākacaṇḍīśvara, Sanskrit