Kakacandi 10: atha raktapalāśakalpaḥ
Kākacaṇḍī 10
- Language
- Sanskrit
atha raktapalāśakalpaḥ
10.1
pātālapatramādāya palāśatarubījakam
niṣkadvayamitaṃ tailaṃ madhvājyena samaṃ pibet
10.2
māsamātreṇa yogīndro nakṣatrāṇyapi paśyati
anekakālajīvī syāt stūyamānaḥ surāsuraiḥ
10.3
dhātrīrasena tadbījacūrṇaṃ samyagvibhāvitam
saptāhaṃ payasā tadvacchoṣayitvā punaḥ punaḥ
10.4
saptāhasevanāttasya dūradṛṣṭirbhavennaraḥ
sūryaḥ prakāśe vege tu vāyurbuddhau bṛhaspatiḥ
10.5
vācā sarasvatīṃ jitvā jīvedācandratārakam
ātape śoṣitaṃ tasya prasūnajanitaṃ rajaḥ
10.6
kṣīreṇārdrīkṛtasnigdhabhāṇḍe vinyasya saṃsthitam
ekaviṃśadinordhvaṃ tu sumuhūrte śivāntike
10.7
tadbhajet payasāhāraṃ kāñjikā mlādivarjitam
ekaviṃśadinaistasya kalkena khacaro bhavet
10.8
vajreṇa tulyo gajavadbhīmasenaparākramaḥ
jarāmaraṇanirmukto kadācit kṣayaṃ vrajet
10.9
tacca cūrṇaṃ samādāya palapātraṃ pibedyadi
catuṣpalena dugdhena māsamātraṃ jitendriyaḥ
10.10
tanmūlena praśāntoṣmā tāmraḥ svarṇaṃ prajāyate
anekakālajīvī syāt kandarpa iva dīptimān
Linked texts (1)
- Kākacaṇḍīśvarakalpatantra — Kākacaṇḍīśvara, Sanskrit