Kakacandi 13: atha kṛṣṇaharidrākalpaḥ

Kākacaṇḍī 13

ārdrāśuṣkaṃ niśācūrṇaṃ śuṣkabhāṇḍodarasthitam
tanniṣkapātraṃ mūtreṇa gavyenāpīya śodhayet

saptāhaṃ sevyamānaṃ tu hanyāt kukṣigatān gadān
uṣṇodakena tatpānāt saptāhādvīryavān bhavet

śālyannaṃ payasāśnīyād gavāmājyena nityaśaḥ
niṣkamātraṃ niśācūrṇaṃ madhunā saha melanāt

māsācca śivakāntiḥ syād dvimāsāt kamalaprabhaḥ
trimāsāt pītakākāraścaturmāsājjvarādibhiḥ

vimuktaḥ pañcamāsācca sthirayauvanagarvitaḥ
ṣaṇmāsāt sūryasaṅkāśaḥ saptamāsānmanojavī

aṣṭamāsāt prasannātmā dūraśravaṇavānnaraḥ
navamāsādanāyāsāt strīśataṃ cābhisevate

anekaśāstravedī syād daśamāsaniṣevaṇāt
māsādekādaśānmartyaḥ sarvajñatvamavāpnuyāt

idaṃ saṃvatsaraṃ yastu sevate kṣīrapo'nvaham
jarāmaraṇanirmukto haridrācūrṇalolupaḥ

Linked texts (1)