Kakacandi 14: atha kaṭurohiṇīkalpaḥ
Kākacaṇḍī 14
- Language
- Sanskrit
atha kaṭurohiṇīkalpaḥ
14.1
puṣyārke rohiṇīcūrṇaṃ vāriṇā saha sevitam
jvaraṃ haranti durvāraṃ bhramasambhramakārakam
14.2
payasā cānvitā samyak palārdhena vipācitā
aṣṭāvaśeṣaṃ tatkṣīraṃ rātrau sarvajvarāpaham
14.3
prabhātakāle saṃprītā virecanakarī smṛtā
piṣṭvāśvatthatvacā kaṭyāṃ lepāddāhajvarāpahā
14.4
tanmūlaṃ madhunā pītaṃ sarvajvaraharaṃ nṛṇām
taccūrṇamarkadugdhena bhāvitaṃ sevitaṃ yadi
14.5
tāmbūlasahitaṃ caiva kṛtvā tadguṭikātmanā
tṛtīyakaṃ jvaraṃ hanyāccāturthikamathāpi vā
14.6
kāñjikena samāyuktaṃ samastaviṣanāśakam
vīravṛkṣasya tanmūlaṃ kaṇṭhasthaṃ jvaranāśakṛt
14.7
śivāvīrajaṭāmūlaṃ kaṭyāṃ saṃveṣṭya tantunā
sarāgeṇa gale badhvā sarvaroganivāraṇam
Linked texts (1)
- Kākacaṇḍīśvarakalpatantra — Kākacaṇḍīśvara, Sanskrit