Kakacandi 15: athāśvagandhākalpaḥ
Kākacaṇḍī 15
- Language
- Sanskrit
athāśvagandhākalpaḥ
15.1
aśvagandhārajaḥ ślakṣṇaṃ pāradaiḥ saha sevitam
anvahaṃ karṣamātreṇa sarvāmayavināśanam
15.2
dhātrīrasena taccūrṇaṃ karṣaṃ yaṣṭyāpi sevitam
divyadṛṣṭirbhavejjanturjarāmaraṇavarjitaḥ
15.3
niṣkamātraṃ hi tadvījaṃ guḍūcyāstvagbhavaṃ rajaḥ
saṃyojya niṣkadvayataḥ sevyeduṣṇavāriṇā
15.4
pītaṃ jayati durvāraṃ nānāvidhagadānapi
taccūrṇaṃ navanītena sevitaṃ sāmajālahṛt
15.5
taccūrṇaṃ tailalepena praṇaśyanti tvagāmayāḥ
palārdhamasya cūrṇasya tilaṃ taddviguṇaṃ tataḥ
15.6
kusumbhamāṣajaṃ cūrṇametadājyena pācitam
apūpaṃ bhakṣayenmāsaṃ vatsaraṃ vā jarāṃ jayet
15.7
śvetāśvagandhamūlena rakṣābandhe kṛte sati
durbalo'pi mahābhāraṃ vahedakliṣṭavedanaḥ
15.8
upoṣya tridinaṃ māghatrayodaśyāṃ japeddhareḥ
mantraṃ bhajedaśvagandhācūrṇaṃ śastrābhighātahan
Linked texts (1)
- Kākacaṇḍīśvarakalpatantra — Kākacaṇḍīśvara, Sanskrit