Kakacandi 17: atha lakṣmaṇākalpaḥ

Kākacaṇḍī 17

kṛṣṇapakṣe caturdaśyāṃ gurupuṣye ca vā punaḥ
saṃmantrya lakṣmaṇāmūlaṃ sopacāraṃ samuddharet

oṃ sarvārthasādhinyai lakṣmaṇāyai svāhā
śubhaṃ tanmūlamādāya kṛṣṇonmattaphalasthitam

tridinaṃ ca svaśuṣkeṇa mantraṃ cūrṇena vaśyakṛt
rocanālakṣmaṇāmūlaṃ candanaṃ kuṅkumaṃ samam

mukhalepāditaḥ sarvamavaśyanaramohanam
uddharellakṣmaṇāmūlaṃ raktacandanamiśritam

yasmai kasmai pradātavyaṃ sa vaśyo bhavati kṣaṇāt
lakṣmaṇāmūlatagaraṃ sakuṣṭhaṃ nāgakesaram

vilepanādidaṃ liṅge yāvajjīvaṃ vaśaṃ nayet
lakṣmaṇāmūlatagaratilako'tijanapriyaḥ

oṃ namo maheśvarāya sarvajanavaśaṃ kuru kuru svāhā
lakṣmaṇāmūlasauvīrāñjanake samamātrake

kṛtvāñjayedakṣyamūrdhyā bhavedvaśyo'khilo janaḥ
yanmūlaṃ tagaraṃ samyagvāriṇā yojya sāmyataḥ

lalāṭe tilakaṃ kṛtvā syāt sarvapriyadarśanaḥ
oṃ jayāyai vijayāyai svāhā

lakṣmaṇāyāśca mūlena rajasā candanasya ca
dhūpayet sarvamaṅgaṃ ca sa bhavedakhilapriyaḥ

mūlaṃ hi lakṣmaṇāyāśca kṣīreṇa saha pāyayet
puṃsastasya vinaśyanti sarvāṇyarśāṃsi māsataḥ

prātarmūlaṃ lakṣmaṇāyāḥ pibed brāhmīghṛtena ca
pakṣeṇaikena bālānāṃ grahaṃ nāśayati dhruvam

oṃ namo bhagavate maheśvarāya svāhā
lakṣkaṇāmūlamābaddhaṃ mūrdhni corabhayaṃ tathā

vyāghradapi bhayaṃ tasya na kvacicca samudbhavat
haste ca lakṣmaṇāmūlaṃ baddhvā yudhi bhajejjayam

oṃ hariharāya svāhā
lakṣmaṇāmūlamālipya sarveṣāṃ ca bhavetpriyaḥ

oṃ vaśyaṃ me svāhā tanmūlāya namaḥ
śilodakena tanmūlatilakaṃ vaśayennṛpam

tanmūlaṃ palamātraṃ hi gokṣīreṇa vimiśrayet
caturmāsaṃ pibedvandhyā dhruvaṃ putravatī bhavet

Linked texts (1)