Kakacandi 18: atheśvarī kalpaḥ

Kākacaṇḍī 18

oṃ īśvari sarvadānavavaśaṃkāri rākṣasyai svāhā
iti mantreṇa gandhādyairabhyarcyaveṣṭya sūtrakaiḥ

tridhā ghaṭaṃ hi tāmrotthaṃ mārtikaṃ vā supūjayet
tataḥ pradakṣiṇaṃ kṛtvā bhaktyā stutyā namasya ca

tatra sūryodayāt pūrvaṃ mantramaṣṭottaraṃ japet
asyāśca pādalepena dinenaikena mānavaḥ

viṃśatiṃ yojanānyetya punarāyāti cālayam
īśvarīpuṣpapiṣṭasya lepanaṃ janamohanam

sadyo jayati durvāraṃ vairiṇaṃ vijayī bhavet
abhyajyājyaṃ mūrdhni puṣye mantramuccārya pūrvavat

īśvarī sakalāṃ bhītiṃ chinatti na hi saṃśayaḥ
sahadevīśvarīmūlaṃ mayūraśikhayā saha

saṃmantrya māninīṃ svasthaḥ svavaśāṃ kurute sadā
īśvarīmūlamādāya grahaṇe candrasūryayoḥ

cūrṇitaṃ netrayornyastaṃ kāñjikena viṣāpaham
tadevāsanasaṃyuktaṃ jaṅgamādiviṣaṃ haret

Linked texts (1)