Kakacandi 21
Kākacaṇḍī 21
- Language
- Sanskrit
Contents
- 21.8 — 1 part
21.1
oṃ kākajaṅghe varade varade sarvakāryāṇi sādhaya sādhaya uccāṭayoccāṭaya sodayaputrabāndhavam amukaṃ mātardevi mama jihvāgraṃ huṃ phaṭ
svāhā| śmaśānāṅgāreṇa nīle vastre baddhvārigṛhe muktā uccāṭanaṃ bhavati
kṛttikārohiṇyoruddhṛtaṃ dhanadhānyavṛddhiḥ | revatyāṃ sarvakāryāṇi | pūrvābhādrāyāṃ pañcāṅgamasya mastake dhāryam | ato vyavahāre jayaḥ
kṣiprā hi yamunātīre paścime ca marau bhavet
kāṇḍastvaṅgulitulyaḥ syāc śuṣkā varṣāsu sā bhavet
21.2
prarohati punaḥ sā tu hemante ca samantataḥ
kṣipraṃ tu vardhate sā tu gaurapyenāṃ tu bhakṣayet
21.3
bhagnā ca srāvayet kṣīraṃ puṣpaṃ citrakasannibham
phalamaṅgulitulyaṃ syād viddhyetāṃ tāṃ mahauṣadhim
21.4
grahaṇe'pi ca rakṣārthamuccarenmantramuttamam
mantreṇānena bhūḥ śrīśca prasannā pārvatī ca sā
21.5
prātarutpāṭya tanmūlamakṣataṃ tu samāhitaḥ
āloḍayennāgavaṅgau tāraṃ bhavati tatkṣaṇāt
21.6
oṃ namaḥ kandāya viparītibhakṣāya (?) amṛtaṃ svāhā
iti mantreṇa saptavāramabhimantrya mukhe kṣiptvātmānaṃ khecaratāṃ nayet
rasaṃ tasyāstu niṣpīḍya saṃgṛhya ca samāhitaḥ
ghṛtaṃ ca madhunā trīṇi samabhāgāni yojayet
21.7
pīte tadā kṣaṇādeva mṛto'pi pratibudhyate
divyatejā mahārūpo jīvedācandratārakam
21.8
kṣiprācross-out(?)rasaṃ tu saṃgṛhya kākajaṅghārasaṃ tathā
śuddhasūtaṃ cāranāle mardayedyāmamātrakam
21.8.p1
tatkṣaṇājjāyate bhasma śuṣkaṃ vahnāvibendhanam
Linked texts (1)
- Kākacaṇḍīśvarakalpatantra — Kākacaṇḍīśvara, Sanskrit