Kakacandi 22: atha karañjakalpaḥ
Kākacaṇḍī 22
- Language
- Sanskrit
atha karañjakalpaḥ
22.1
karañjadrumapañcāṅgaṃ sitayā saha sevitam
vāriṇā tajjaṭācūrṇaṃ chāyāmayanibarhaṇam
22.2
tasyottaragataṃ mūlaṃ sitādugdhena puṣṭikṛt
sitetaratalodbhūtaṃ tanmūlaṃ payasā saha
22.3
sevitaṃ ca nihantyāśu pāṇḍurogaṃ sudussaham
gavāṃ takreṇa tanmūlaṃ cūrṇamājyena sevitam
22.4
maṇḍalapramukhān kuṣṭhān tathā duṣṭān vraṇāñjayet
tailena tasya pañcāṅgacūrṇaṃ samyagvraṇāpaham
22.5
kṣīreṇa pītaṃ taccūrṇaṃ virekajanakaṃ smṛtam
śītāmbusparśanāttasya vegaḥ śīghraṃ nirudhyate
22.6
ghṛtena pācato hanti mārutasya vijṛmbhaṇam
tailena pācato vātaṃ komalaṃ vinivārayet
apohayedasau sandhivataṃ samyaṅ na saṃśayaḥ
Linked texts (1)
- Kākacaṇḍīśvarakalpatantra — Kākacaṇḍīśvara, Sanskrit