Kakacandi 26: atha triphalākalpaḥ
Kākacaṇḍī 26
- Language
- Sanskrit
atha triphalākalpaḥ
26.1
triniṣkamātrā hyabhayā ṣanniṣkaṃ tu bibhītakam
dhātrī dvādaśaniṣkā syāt triphalā sūkṣmacūrṇitā
26.2
yojayet khadirasyāpi viḍaṅgasya ca cūrṇakam
sarvaṃ vimardayet khalve bhṛṅgarājabhavāmbubhiḥ
26.3
tadrase saptadhā bhāvyaṃ punaśca cūrṇakam
niyamenāsya yogasya māsamātraniṣevaṇāt
26.4
valīpalitanirmukto ṣaṇmāsād divyadehavān
itthaṃ saṃvatsarābhyāsāddīrghaṃ vindati jīvitam
26.1-2
athodakalpaḥ
na saṃpaktikriyāyogo bheṣajeṣu ca vidyate
sarvarogavināśāya niśānte tu pibejjalam
26.2-2
ambhasaḥ prasṛtīraṣṭau ravāvanudite pibet
vātapittabhavān rogān hanti kuryāt sukhaṃ sthiram
26.3-2
prasṛtiyugalamātraṃ prātarutthāya nityaṃ,
pibati khalu naro yo ghrāṇarandhreṇa vāri
sa bhavati matipūrṇaścakṣuṣā tārkṣyatulyo
valipalitavihīnaḥ sarvarogairvimuktaḥ
26.4-2
niśādau ca viṣaṃ vāri nisāmadhye payaḥ smṛtam
niśānte ca pibedvāri mātuḥ kṣīramivottamam
26.5
pibeddhaṭasahasrāṇi yāvannodeti bhāskaraḥ
astaṃ gate dinānāthe bindurekau ghaṭāyate
Linked texts (1)
- Kākacaṇḍīśvarakalpatantra — Kākacaṇḍīśvara, Sanskrit