Kakacandi 27: atha musalīkalpaḥ
Kākacaṇḍī 27
- Language
- Sanskrit
atha musalīkalpaḥ
27.1
nāmānyasya pravakṣyāmi yato jānanti sādhakāḥ
suvarṇapuṣpī gaurī ca musalī yugapatrika
27.2
nārāyaṇī kṣīravahā nāmabhiḥ sā śubhā matā
tataḥ karmāṇi kurvīta vijñāyauṣadhimuttamām
27.3
musalyāḥ puṣpamāhṛtya sūkṣmacūrṇaṃ ca kārayet
madhunā saha bhuktaṃ tat karotyagnerbalaṃ param
27.4
ājyena tatprayuktaṃ sad gulmarogaṃ vināśayet
uṣṇodakena yuktaṃ tu tadajīrṇamapohayet
27.5
visūcikāṃ virekānapyadhikān vinivārayet
godhūmacūrṇabhāgau dvau mūsalīcūrṇamekakam
27.6
ghṛtāktaṃ madhunāktaṃ vā dvitayaṃ tadddvajennaraḥ
saptarātraprayogeṇa sarve yāntyāmayāḥ kṣayam
27.7
vṛścikena ca saṃdaṣṭe cūrṇamasyopayojayet
taṇḍulasyāmbhasā śīghraṃ viṣaṃ tasya vinaśyati
27.8
manaśśilābhasmanā ca kāsaśvāsāvapohayet
vināśayedgaṇḍamālāṃ ghṛtena payasāpi vā
27.9
śamayet kupitaṃ pittaṃ triphalācūrṇakena ca
madhvājyābhyāṃ ca taccūrṇaṃ paladvayamitaṃ bhajet
27.10
akṣayyamasya satataṃ retaḥ saṃjāyate dhruvam
ārdrakasvarasairrnaśyet kuṣṭhaṃ bādhairyameva ca
27.11
jarāmṛtī jayettacca kesarasya rasena hi
apasmāraṃ nāśayati jambūphalarasairapi
27.12
dugdhena bhasmakaṃ tṛṣṇāṃ kāñjikena nivārayet
bhṛṅgarājarasaiḥ sarvānāmayāñ śamayedidam
27.13
kṣayamaudumbararasaiḥ kṣapayet palitaṃ nṛṇām
vākucīsvarasenaitad bandhyātvaṃ ca vināśayet
27.14
gomūtreṇopayuktaṃ tat satataṃ śamayejjvaram
jambīrasvarasenaiṣā musalī kāmalāpahā
27.15
tadrajaḥ kāñjikaiḥ pītaṃ sadyaḥ kukṣirujāpaham
kadalīvāriṇā hanyājjvarameṣā tṛtīyakam
27.16
apāmārgarasenāpi nirharedvātajān gadān
nārikelāmbunā yuktaṃ śirorogān nivārayet
27.17
tilatailena taccūrṇaṃ hanyācchleṣmabhavān gadān
madanasya rasaiḥ pītaṃ pāṇḍuṃ jayati dussaham
27.18
sūraṇenopayuktaṃ tad gudāmayamapohayet
ārdrakasya rasaiḥ pītaṃ taccūrṇaṃ śūlaveganut
27.19
kūṣmāṇḍaphalasāreṇa jalodaragadaṃ jayet
taccūrṇaṃ saindhavopetaṃ duṣṭavraṇaviśoṣaṇam
27.20
jīrṇajvarabhavān rogān pippalyā sahitaṃ haret
lakṣmaṇāmūlamusalīkadalīkandajān rasān
27.21
vanitāta cet pibennityaṃ bandhyāpi labhate sutam
vācaspatiḥ syānmūko'pi musalīṃ vacayā bhajan
27.22
sevitā bhūśirīṣeṇa jarāmaraṇanāśinī
takreṇāloṅya saṃpotā pāṇḍuroganivāriṇī
27.23
nirguṇḍīsvararasaiḥ pītā vajrakāyapradāyinī
ajāmūtreṇa saṃpotā valīpalitanāsinī
27.24
nārikelāmbunā pītā musalī viṣanāśinī
kālasarpaviṣaṃ hanyāt paṭolena yutā yadi
Linked texts (2)
- Kākacaṇḍīśvarakalpatantra — Kākacaṇḍīśvara, Sanskrit
- Rasārṇavakalpa — Sanskrit