Kakacandi 28: atha muṇḍīkalpaḥ
Kākacaṇḍī 28
- Language
- Sanskrit
Contents
- 28.6 — 1 part
atha muṇḍīkalpaḥ
28.1
bhikṣūttamāṅgaparikalpitanāmadheyāṃ
tāṃ cūrṇayennanu samūlaphalāṃ ca khalve
takrāranālamadhudugdhaghṛtaiḥ prayogāt
ṣaṇmāsataḥ khalu narā ajarāmarāḥ syuḥ
28.2
suparṇacakṣuḥ śravaṇe varāho
jñānena haṃsaḥ svarakinnaraśca
balena bhīmaścalanena vāyuḥ
syādgīṣpateścāpi dhiyā samānaḥ
28.3
surāsuraiḥ stūyamānā sā muṇḍī trividhā matā
sitā raktā'sitā ceti sattvarajasatāmasaiḥ
28.4
guṇairebhiḥ kramājjātāṃ kathayāmāsa tāṃ śivaḥ
śuklapakṣe'tha pañcamyāṃ paurṇamyāṃ ca samāhitaḥ
28.5
revatīrohiṇīpuṣyaśravaṇeṣu dvijottamaiḥ
abhyarcya gandhapuṣpādyairgṛhītvā samūlataḥ
28.6
taccūrṇasevanāt syācca śārīraṃ balamuttamam
chāyāśuṣkaṃ tu taccūrṇaṃ karṣaṃ gopayasā saha
28.6.p1
bhojayeccaturo māsān dīrghamāyuravāpnuyāt
oṃ namo bhagavate'mṛtodbhavāyāmṛtaṃ kuru svāhā
Linked texts (1)
- Kākacaṇḍīśvarakalpatantra — Kākacaṇḍīśvara, Sanskrit