Kakacandi 31

Kākacaṇḍī 31

kṛṣṇāṣṭamyāṃ śucirbhūtvā bilvavṛkṣaṃ nimantrayet
mādhave jyeṣṭhamāse vā phalādbījaṃ samāharet

bilvabījāni saṃgṛhya sūkṣmacūrṇaṃ ca kārayet
triphalākvāthatoyena saptavāraṃ vibhāvayet

tato yantreṇa niṣpīḍya tailaṃ grāhyaṃ ca yatnataḥ
snigdhabhāṇḍe vinikṣipya bhūmau taṃ ca nidhāpayet

māsātparaṃ tamuddhṛtya rakṣāṃ kuryādvidhānataḥ
virekavamanai kṛtvā śuddhakoṣṭhaḥ śubhe dine

kṛṣṇāṣṭamyāṃ caturdaśyāṃ puṣyarkṣe'pi ca buddhimān
nirvātamandire tailaṃ karṣamātraṃ pivennaraḥ

mātrātikramato mūrcchā bhramo dāhastṛṣāpi ca
kaṇṭhoṣṭhayoḥ śuṣkatā ca bhaveyurbhṛśaduḥkhadā

kapilākṣīramāsicya gaṇḍūṣaṃ kārayettadā
jīrṇānte kapilākṣīraṃ ṣaṣṭikātraṃ ca bhojayet

tailasya sevanādasya vyādhirādhiñca naśyataḥ
prāyaḥ sarve vyādhayaśca vinaśyantyasya pānataḥ

śrutijñaḥ subhagaḥ śrīmān karṇikārasamadyutiḥ
valīpalitanirmukto jīvedvarṣaśataṃ naraḥ

saptabhirmantrayitvā tu bhiṣagbhirvyādhito naraḥ
paścāttailamidaṃ tīvravīryaṃ mānena saṃpibet

oṃ namo vīrajanani svāhā-iti mantraṃ japet

Linked texts (2)