Kakacandi 32: atha lāṅgalīkalpaḥ
Kākacaṇḍī 32
- Language
- Sanskrit
atha lāṅgalīkalpaḥ
32.1
athātaḥ saṃpravakṣyāmi cauṣadhīkalpamuttamam
lāṅgalītyoṣadhiḥ kācidvikhyātā dharaṇītale
32.2
tasyā mūlaṃ tu saṃgṛhya gandhakaṃ sa tathaiva hi
rasena saha saṃmardya tāmrapatrāṇi lepayet
32.3
dadyādgajapuṭaṃ svarṇavarṇatvaṃ yānti tāni ca
sukhaprasavadaṃ tacca sūtikārogaśāntidam
32.4
jalena lāṅgalīkandaṃ piṣṭvā haste pralepayet
vajratulyabalaṃ tasya karasyāvirbhavettataḥ
32.5
purā hyamīṣāṃ yogānāṃ madrarājamayoditam
aṣṭottaraśataṃ japtvā siddhimāyāti cottamam
32.6
oṃ namo bhagavate ḍāmareśvarāya svāhā ṭhaḥ ṭhaḥ
tatkālotpāṭitaṃ tasyāḥ kandamārdraṃ vimardayet
pañca karṣāṃstato bhuktvā śarīre ca vilepayet
32.7
atha cābhimukhaṃ gacchedyuddhasya jayamāpnuyāt
lāṅgalī saindhavābhyāṃ ca gandhakena ca lepayet
32.8
tāmrapatrāṇi cūrṇāni vikiredayasastataḥ
atha saṃśoṣya lāṅgalyāḥ kalkenopari lepayet
32.9
ātape śoṣayitvātra dahed gajapuṭena ca
tāni bhasmatvamāyānti tāmrapatrāṇi tatkṣaṇāt
32.10
bhasmedaṃ bhasmasātkuryādviṣajānāmayān dhruvam
dadyādvalaṃ dīrghamāyuḥ prajāvṛddhiṃ susevanāt
Linked texts (3)
- Kākacaṇḍīśvarakalpatantra — Kākacaṇḍīśvara, Sanskrit
- Pāradasaṃhitā (Bābū Nirañjanadāsa) — Bābū Nirañjanadāsa, Sanskrit
- Rasārṇavakalpa — Sanskrit