Kakacandi 34: atha śvetaguñjākalpaḥ
Kākacaṇḍī 34
- Language
- Sanskrit
atha śvetaguñjākalpaḥ
34.1
mūlaṃ tu śvetaguñjāyā ṛkṣe uttarabhādrake
uttarābhimukhaṃ grāhyamāharecca rasaṃ tataḥ
34.2
kuryācca bhāvanāṃ tatra sitasūtracayasya ca
etaiśca kṛtvā sūtraistu vartimujjavālayecca tām
34.3
saṃgṛhya kajjalīṃ tasya gavyenājyena cāñjayet
āmayāścākṣuṣāḥ sarve śamaṃ yānti na saṃśayaḥ
34.4
śvetaguñjārasaiḥ samyak sarvāṇyaṅgāni lepayet
evaṃ saptācarenmāsān gātraṃ bhavati vajravat
34.5
aṅgārarāśimadhye'pi sthito daheta nāgninā
34.6
mantraḥ-oṃ vajrakiraṇe amṛtaṃ kuru svāhā
oṃ namo mahāmāye vahniṃ rakṣa svāhā
samāhṛtya śvetaguñjāmūlaṃ tacca vimardayet
tataḥ kusumabhasya rasaiḥ saha tat peṣayenmṛdu
34.7
tenaiva rañjayedvastraṃ triṃśadvāraṃ muhurmuhuḥ
dhṛtvātha tajjalaṃ gāhedagādhamapi mānavaḥ
34.8
mantrametajjapan kuryājjalastambhaṃ svaśaktitaḥ
oṃ namo bhagavate rudrāya jalaṃ stambhaya ṭhaḥ ṭhaḥ pāraḥ
puṣyarkṣe śvetaguñjāyā vidhinā mūlamuddharet
mahiṣākṣyā rasaiḥ samyak tat piṣṭvā madhunā saha
34.9
añjayeccākṣiyugalaṃ dinānte ca śivālaye
māsaiḥ ṣaḍbhirnidhiṃ paśyet sādhako'pi bhavedasau
Linked texts (1)
- Kākacaṇḍīśvarakalpatantra — Kākacaṇḍīśvara, Sanskrit