Kakacandi 36: atha vandākalpaḥ
Kākacaṇḍī 36
- Language
- Sanskrit
atha vandākalpaḥ
36.1
saṃgṛhya drumavandākaṃ saṃyojya svarṇapatrakaiḥ
haste kaṇṭhe ca kaṭyāṃ ca dhārayed rogaśāntaye
36.1-2
viśākhāyāṃ samuddhṛtya vandākaṃ rājavṛkṣakam
sthāpayed gṛhamadhye ca nāpnuyādagnijaṃ bhayam
36.3
rohiṇyāṃ vaṭavandākaṃ kaṭisthaṃ vīryavardhanam
aśvatthabhavavandākaṃ revatyāṃ jīvavardhanam
36.4
nirguṇḍībhavavandākaṃ bharaṇyāmāharet sudhīḥ
kṣīreṇa pītaṃ tat kuryādvīryavṛddhiṃ manobalam
36.5
jambūvandākajaṃ cūrṇaṃ takrapītaṃ viṣaṃ haret
puṣye tindukavandākamādāya vadane kṛtam
36.6
sarpavṛścikalūtādibhavaṃ hanti viṣaṃ dhruvam
brahmavṛkṣasya vandākaṃ svātyāṃ kṣīreṇa sevitam
36.7
satyaṃ saṃjanayedāyuradhikaṃ jñānameva ca
audumbarasya vandākamevaṃ kuryād dṛḍhaṃ balam
Linked texts (1)
- Kākacaṇḍīśvarakalpatantra — Kākacaṇḍīśvara, Sanskrit