Kakacandi 37: atha vākucīkalpaḥ
Kākacaṇḍī 37
- Language
- Sanskrit
atha vākucīkalpaḥ
37.1
somarājībhavaṃ bījaṃ nistuṣaṃ tanu kārayet
tasya kuryāttataścūrṇaṃ palamātraṃ pibettataḥ
37.2
uṣṇodakena tridinānyatha mūtreṇa tad gavām
pibetpañcadinānyasāṃ kṣīreṇaikādaśāharet
37.3
yāvatpañcadaśāho'tha ghṛtena saha sevayet
māsaṃ rasenāmalakyāḥ krameṇaivaṃ bhajedidam
37.4
āhāraḥ kṣīrasaṃyuktaḥ sarvadā janayet sukham
valīpalitanirmukto dīrghāyurjāyate naraḥ
37.5
vākucyāḥ kila pañcāṅgaṃ kāñjikena vimardayet
tatkalkaṃmadhye vaṅgaṃ tu secayet saptaśo drutam
37.6
somarājyāśca tailena tathā gandhakapāradau
saptamāṃsena vaṅgasya dattvā copari nāgakam
37.7
dvādaśāṃśena taiḥ sākaṃ saṃyojyātha ca peṣayet
evaṃ kṛte svayaṃ vaṅgastāratvamadhigacchati
37.8
oṃ he manohare svāhā iti mantraṃ tadā japet
vākucītriphalāvyoṣakṛśānucirabilvakān
37.9
nimbavandākasahitān gavāṃ mūtreṇa peṣayet
aṣṭādaśavidhān kuṣṭhān nirmūlayati tatkṣaṇāt
37.10
uṣṇodakena taccūrṇaṃ savyoṣaṃ śūlavegajit
somarājīmaricayoścūrṇaṃ vātavināśakam
Linked texts (1)
- Kākacaṇḍīśvarakalpatantra — Kākacaṇḍīśvara, Sanskrit