Kakacandi 38: atha rudantīkalpaḥ

Kākacaṇḍī 38

Language: Sanskrit

atha rudantīkalpaḥ

38.1

rudantyāṃ vidyamānāyāṃ mayi cātra priye ! janāḥ
jarayā durbalenāpi kutaḥ kliśyanti bhūtale

38.2

rudantīlakṣaṇaṃ vacmi lokānāṃ hitakāmyayā
śvetā raktā tathā pītā kṛṣṇā caiva caturvidhā

38.3

tatpatraṃ caṇakasyeva puṣpaṃ cāpi tathāvidham
patreṣu syurhemasamā bindavaḥ sakaleṣu ca

38.4

rasabandhakarī khyātā yogoktaphaladāyinī
tamoṣadhiṃ samādāya śuklapakṣe śubhe dine

38.5

sūkṣmacūrṇaṃ tataḥ kṛtvā kaṭutumbyāṃ vinikṣipet
karṣamātrapramāṇeṇa pathyabhojī śubhe dine

38.6

madhvājyābhyāṃ bhajet kṛṣṇācūrṇaṃkṣīrānnabhugbhavet
ṣaṇmāsasya prayogeṇa vajrakāyo bhavennaraḥ

38.7

pañcāṅgansya bhuktvā tu vimucyetākhilāmayaiḥ
viḍālapadamātraṃ tadanvahaṃ yo bhajennaraḥ

38.8

na śīghraṃ syājjarā tasya vardhate pratyahaṃ vayaḥ
pānena lepanāccāpi viṣaṃ hantyasya cūrṇakam

38.9

rudantīmūlacūrṇena vatsareṇa viṣaṃ tathā
ṭaṅkaṇaṃ tagaraṃ kuṣṭhaṃ peṣayed drāvaṇaṃ param

38.10

saṃgṛhyāṅgāni pañcāpi rudantyāścūrṇayet param
madhvājyābhyāṃ ca bhuṅkte yaḥ prāturutthāya mānavaḥ

38.11

sandhukṣitāgnirāmācca vimuktaḥ samyaganvaham
bhuṅkte'nnamadhikaṃ kiñca naśyantyantragatāmayāḥ

38.12

bālārkasamatejasvī vācā suragurupamaḥ
medhāvī subhagaḥ śrīmān sutarāṃ syād balādhikaḥ

38.13

sādhakānāṃ ca sarveṣāṃ rudantī paramā matā
rudantīrasamādāya rasena saha bhāvayet

38.14

lepayecchulbapatrāṇi śatairgajapuṭaiḥ puṭet
kāñcanaṃ kamanīyābhaṃ jāyate cottamottamam

38.15

hemābhrakau rudantyāśca rasena parimardayet
tataḥ śulbaṃ pāradaṃ ca nikṣipenmardayenmuhu

38.16

yathāpūrvaṃ puṭaiḥ syāddhi suvarṇaṃ śobhanaṃ guṇaiḥ
rasaṃ rudantyāḥ sūtaṃ ca mardayet khalvamadhyake
mṛdūni ca rajāṃsyatra hiraṇyasya vinikṣipet

38.17

pūrayitvā kācamayaṃ pātraṃ tadveṣṭayenmukhe
adhastācca dhamettīvraṃ muhurgāḍhena vahninā

38.18

kṛtvaivaṃ dve dine tasmāt pātrādauṣadhamāharet
bījapūrarasenenatadyāvanmāsaṃ bhajennaraḥ

38.19

vardhante dhātavaḥ sarve pratyahaṃ balamāpnuyāt
nīrogaḥ puruṣaḥ prāpya dīrghamāyuḥ sukhī bhavet

38.20

kāṃsyapātre rasaṃ tasyāḥ samādāya pibennaraḥ
sarvavyādhivinirmukto dīrghaṃ vindati jīvitam

38.21

rasanāgau samau dattvā mākṣikaṃ ca manaśśilām
gandhakaṃ tālakaṃ caiva piṣṭvā mūtre vinikṣipet

38.22

rudantyāśca rasenaiva mardayeddhaṭikātrayam
tenaiva tāmrapatrāṇi lepayecca vicakṣaṇaḥ

38.23

mūṣāmadhye kṣipet paścād dhmānaṃ khadiravahninā
kuryāt svarṇaṃ jāyate ca nirbījaṃ doṣavarjitam

38.24

nasyaiḥ pānaistathā caiva lepanaiścāpi sarvadā
jaṅgamasthāvarākhyāni viṣāṇyupaviṣāṇi ca

naśyanti niyataṃ devi nātra kāryā vicāraṇā
amṛte'mṛtamaye'mṛtasambhave'mṛtaṃ me kuru | prasīda prasīda
amṛtodbhave oṃ jūṃ saḥ svāhā - iti mantreṇa bhakṣayet
utpattirasyāḥ kutreti vadāmyadya varānane !
kailāse mandare vindhye gaṅgāsāgarasaṅgame

38.26

śrīśaile hemakūṭe ca pārijāte maheśvari
girīṇāṃ rājñi himavatyatha puṇyagiriṣvapi

38.27

ityamīṣu pradeśeṣu jāyate'sau mahauṣadhiḥ
asyāḥ pūrvaṃ svarūpāṇi mayoktāni maheśvari !

Linked texts (1)

Kākacaṇḍīśvarakalpatantra — Kākacaṇḍīśvara, Sanskrit