Kakacandi 39: atha kaṭutumbīkalpaḥ
Kākacaṇḍī 39
- Language
- Sanskrit
atha kaṭutumbīkalpaḥ
39.1
samutpannā madhyamāne kṣīrode kaṭutumbikā
pibedrasaṃ gṛhītvāsyāḥ kaṭutumbyā rasāyanam
39.2
asyāḥ saṃgṛhya bījāni kuryāccūrṇaṃ susūkṣmaśaḥ
rātrau tu payasā sārdhaṃ śuṇṭhyā ca suvimiśritam
39.3
sthāpayet kārayeccaiva bhāvanāṃ daśadhā naraḥ
tataḥ saṃśoṣya cūrṇāni tāni saṃmardya yatnataḥ
39.4
grāhyaṃ tailaṃ tataḥ śuddhaṃ gālanena vidhāya ca
mūrcchayet pāradaṃ tena tailena vidhivattataḥ
39.5
ekaviṃśatirātreṇa sparśavedhī bhavedrasaḥ
lohān sarvaॉśca tenaiva vedhayet sparśamātrataḥ
39.6
anenaiva prayogeṇa sparśavedhyabhrakaṃ bhavet
indravāruṇibījāni cūrṇayitvā vidhānataḥ
39.7
palāśabījatailena bhāvayecca punaḥ punaḥ
tato yantreṇa niṣpīḍya pūrvavattailamāharet
39.8
tailasyāsyaikabhāgañca pūrvatailasya bhāgavat
saṃmiśrayāthātra sūtāyaskāntayorbhasma yojayet
39.9
bhasmanoranayorathāpi catvārīha palāni ca
evaṃ saṃyojitādasmādauṣadhādadhaṃkarṣakam
39.10
karṣaṃ vā bhojayeddoṣavayaḥprakṛtividviṣakū
dvitrimāsaprayogeṇa syād balī māṃsalaḥ śubhaḥ
Linked texts (1)
- Kākacaṇḍīśvarakalpatantra — Kākacaṇḍīśvara, Sanskrit