Kakacandi 4: atha vajravallīkalpaḥ
Kākacaṇḍī 4
- Language
- Sanskrit
atha vajravallīkalpaḥ
4.1
vajrasya sadṛśaiḥ patrairjñeyā vajrāhvayauṣadhī
aṅguṣṭhaparvamātraṃ tu payasā'syāśca bhakṣayet
4.2
virekavamane kṛtvā kaṭvamlādīn vivarjayet
saptarātraprayogeṇa hanti kuṣṭhānaśeṣataḥ
4.3
dvitīyasaptarātraṃ ca tenaiva vidhinā kṛtam
mahodaraṃ ca gulmaṃ ca maṇḍūkākṛtimaudaram
4.4
gaṇḍamālādimanyāṃśca hanti sarvāmayānapi
praṇaśyanti yathā sūryakāntyāndhatamasāṃ gaṇāḥ
4.5
tṛtīyasaptarātreṇa medhāvī priyadarśanaḥ
sarpavat kañcukaṃ dattvā jīvedvarṣaśatatrayam
4.6
na caiva parihāro'sti bhakṣyabhojyānnasaṅgame
kimatra citraṃ yadi vajravallī
saśarkarā gogṛtasaṃyutā ca
māsena rogān sakalānnihanti
dvimāsato yacchati yauvanaśriyam
Linked texts (1)
- Kākacaṇḍīśvarakalpatantra — Kākacaṇḍīśvara, Sanskrit