Kakacandi 40

Kākacaṇḍī 40

Language: Sanskrit

40.1

tatra mantraḥ- oṃ namo bhagavati kṣīrakañcuki sarvakāmārthasādhini
tiṣṭha tiṣṭha svāhā
eraṇḍasadṛśaiḥ patraiḥ phalaiścaiva tu tādṛśaiḥ
ajāṅgalāyāṃ vṛkṣaḥ sa kṣudraḥ sañcāyate bhuvi

40.2

iliyālepa ityevaṃ śāstrajñaireva kathyate
kaṭveraṇḍa iti prāyaḥ khyāto nāmāntareṇa ca

40.3

rasena tasya patrāṇāṃ pāradaṃ cābhrakaṃ tathā
ekatra mardayeddevi piṣṭaṃ bhavati tatkṣaṇāt

40.4

punaśca mardayedevaṃ sūtaḥ sambadhyate dhruvam
tasya kandaṃ samādāya gṛhītvā svarasaṃ tataḥ

40.5

kṛṣṇākhaṇḍāni tasmiṃśca pācayed yāmamātrataḥ
yāmaikaṃ māhiṣaiḥ kṣīraiśchāyāyāṃ śoṣayettataḥ

40.6

karṣaikaṃ bhakṣayennityaṃ śrutpipāsāharaṃ bhavet
siddhayogamidaṃ khyātaṃ purā nāgārjunoditam

Linked texts (1)

Kākacaṇḍīśvarakalpatantra — Kākacaṇḍīśvara, Sanskrit