Kakacandi 41

Kākacaṇḍī 41

Language: Sanskrit

41.1

mantraḥ- oṃ namo bhagavate'mṛtārṇavamadhyasaṃsthitāya mama śarīre'mṛtaṃ kuru svāhā
aṅgāni pañca nimbasya yathākālaṃ samāharet
chāyāyāṃ śoṣayeccātha sūkṣmacūrṇaṃ ca kārayet

41.2

kvāthena khadirasyāpi bhāvayedvārapañcakam
citrakaṃ ca viḍaṅgaṃ ca vyādhighātakarañjakau

41.3

bhallātakaharītakyau dhātrīgokṣurakau tathā
kāsamardakabījāni pippatyo maricāni ca

41.4

dve haridre lohacūrṇasaṃyutau tatpramāṇataḥ
bhāvayed bhṛṅgarājasya pañcanimbasya tān rasaiḥ

41.5

viḍālapadamātraṃ tu payasāloḍya kārayet
vaṭikāstāstataḥ prātaḥ śuddhakoṣṭhe bhajejjalaiḥ

41.6

takṣaṇādauṣadhaṃ caitajjīryatyatra na saṃśayaḥ
na kiñcitparihāro'sti bhojanaṃ sarvamāharet

41.7

dvitrimāsaprayogeṇa jāyate vīryavānnaraḥ
kuṣṭhamaṣṭādaśavidhaṃ saptasaptāhairnāśayedidam

41.8

vātagulmaṃ ca palitaṃ vyādhīn sarvān viśeṣataḥ
hanti mehānaśeṣāṃśca nāśayeccakṣurāmayān

41.9

śatavarṣādhikaṃ jīvejjrayā ca vivarjitaḥ
satyaṃ satyaṃ mahāvīryaṃ pañcanimbarasāyanam

Linked texts (1)

Kākacaṇḍīśvarakalpatantra — Kākacaṇḍīśvara, Sanskrit