Kakacandi 42: atha tṛṇajyotiṣakalpaḥ
Kākacaṇḍī 42
- Language
- Sanskrit
atha tṛṇajyotiṣakalpaḥ
42.1
tṛṇaṃ taijasamekaṃ tu vidyate vibudheśvari !
rātrau prajvalate tacca hiraṇyasadṛśaṃ bhavet
42.2
tasya mūlaṃ samādāya kṣīreṇa saha peṣayet
kṣaṇāttad raktavarṇaṃ syāttatkṣīraṃ ca pibennaraḥ
42.3
saptarātraprayogeṇa balaṃ vindatyanuttamam
kṣīreṇa niyatāhāro lavaṇānlau ca varjayet
42.4
vṛṣāṃśo mahākāyo jīvedvarṣaśataṃ naraḥ
tasya mūlaṃ samānīya rasagandhau ca tatsamau
42.5
nikṣipya mātuluṅgotthai rasaiḥ sarvaṃ vimardayet
bilvapatraiśca saṃveṣṭya dāpayecca puṭatrayam
42.6
hemacchāyaṃ mahāvīryaṃ rasāyanamathodbhavet
mahiṣīnavanītena tasya mūlāni peṣayet
42.7
kapilājyapradīpasya cordhvaṃ narakapālake
kajjalaṃ kārayettacca dhārayedaṣṭamītithau
42.8
pūjāṃ kṛtvā vidhānena śucirbhūtvā ca sādhakaḥ
tenaivāñjitanetrastu so'dṛśyo jāyate pumān
Linked texts (1)
- Kākacaṇḍīśvarakalpatantra — Kākacaṇḍīśvara, Sanskrit