Kakacandi 45

Kākacaṇḍī 45

Language: Sanskrit

45.1

om amṛtodbhavāya amṛtaṃ me kuru ṭhaḥ ṭhaḥ svāhā
śṛṇu devi pravakṣyāmi yathā yogena gandhakam
yogeṣu ca bahuṣveva yoktumarho mahāguṇaḥ

45.2

kṣīrāmbhodau purā devi madhyamāne surāsuraiḥ
utpannamamṛtaṃ sāraṃ divyarūpaṃ mahābalam

45.3

tasya śoṇitagandhena mohitāḥ sarvadevatāḥ
kiṭṭametat sudhāyāśca babhūvāthāsya gandhataḥ

45.4

gandhakaśceti vikhyāto jarāvyādhivināśakaḥ
pītaścaiva tathā śvetaḥ kṛṣṇavarṇastṛtīyakaḥ

45.5

āraktaśca caturthaḥ syādevaṃ bhinnaḥ sa gandhakaḥ
vamanaṃ recanaṃ kṛtvā rasāyanamathācaret

45.6

śubhe muhūrte nakṣatre cārcayitvā jagatpatim
vakṣyamāṇaprayogeṇa bhakṣayet kāni kāni cit

45.7

ṣaṣṭikāni ca dhānyāni yavagodhūmakāvapi
bālakāni ca māṃsāni tittireśchāgalāni ca

45.8

kṛṣṇamudgāśca sarpiśca sitā kṣīraṃ tathaiva ca
etānyeva sadā pathyānyapathyāni vivarjayet

45.9

kaṭutailaṃ kaṣāyāditailaṃ kāñjikarājike
lavaṇāmlavipākāni dvidalāni vivarjayet

45.10

kodravānnaṃ kulatthaśca na pathyau rasakarmaṇi
yānādyārohaṇaṃ pānamāyāsāṃścāparāṃstyajet

mantreṇānena saṃmantrya bhakṣayettu baliṃ priye
oṃ namo bhairavāya amṛtasiddhāya amṛtasandhāya jātavedena dhevendreṇa
amṛtatvaṃ kuruṣva māṃ svāhā—anena mantrajapena gandhakaṃ grāhayet
gandhakaṃ triphalācūrṇaṃ bhṛṅgarājaṃ samāṃśakam

45.12

saṃvatsaraṃ prayuñjīta dīrghe prādurbhavaidvayaḥ
gandhakaṃ triphalākvāthaiḥ karṣārdhaṃ pratyahaṃ bhajet

45.13

raktadoṣāḥ praṇaśyanti tvagrogāścāpi māsataḥ
gandhakastriphalāyukto ghṛtena madhunāpi vā

45.14

bhakṣito hi mahārogān nāśayennātra saṃśayaḥ
gandhakaṃ sūtakaṃ caiva nirguṇḍyāḥ svarasena hi

45.15

mardayettridinaṃ bhāṣamātrayā kārayedvaṭīḥ
kuṣṭhamaṣṭādaśavidhaṃ viṣaṃ cāpi harejjvaram

45.16

gandhatailaṃ galatkuṣṭhaṃ hanti lepācca bhakṣaṇāt
gandhakaṃ mardayet samyag nirguṇḍīlāṅgalījalaiḥ

45.17

tato rasaṃ ca taireva gandhakena ca mardayet
navanītasamaṃ tena nikṣipanmardyet punaḥ

45.18

tataḥ sarvaṃ ca saṃbhūya jāyate varapiṣṭikā
piṣṭikāṃ tāṃ tato dadyāt puṭe vaidyaḥ sakṛllaghau

45.19

sa jāyate bhasmasācca sa rogān nāśayedbahūn
tenaiva bhasmanā hemapatrāṇi ca vilepayet

45.20

puṭaistribhirbhavet svarṇaṃ māritaṃ nātra saṃśayaḥ
punarnavānvitaṃ gandhaṃ trividhaṃ viṣanāśanam

45.21

dhātrīrasena saṃyuktamajorṇaṃ nāśayed dhruvam
guḍena sahitaścaiva pramehaṃ ca vināśayet

45.22

rasena sahitaṃ gandhaṃ kācakūpyāṃ vinikṣipet
samṛdā vāsasā sapta kañcukān dāpayettataḥ

45.23

śoṣayitvā ghaṭasyāntaḥ sthāpayeta sikatāntare
gāḍhāgninā pacedyāmadaśakaṃ jāyate tataḥ

45.24

sindūrābhaṃ mahadvīryaṃ rasāyanamanuttamam
tena rogā vinaśyanti vividhā jāyate balam

Linked texts (1)

Kākacaṇḍīśvarakalpatantra — Kākacaṇḍīśvara, Sanskrit