Kakacandi 46
Kākacaṇḍī 46
- Language
- Sanskrit
46.1
devadālīrasaṃ cāpi dviguṇaṃ grāhayed ghṛtam
dhātrīrasena saṃyuktaṃ pācayellohabhājane
46.2
dhātryāḥ śuṣkendhanenaiva pācayellaghuvahninā
nasye pāne ca yuñjīta tad ghṛtaṃ pratyahaṃ dvidhā
46.3
kṣīraṃ kṣīrayutaṃ cānnaṃ pathyatvena prakīrtyate
apasmāraḥ kṣayaḥ kuṣṭhaṃ vātarogo'pi naśyati
46.4
nasyaṃ tad bhūtarakṣāṃsi saptamāsairvaśaṃ nayet
devadālīrasaḥ kṣaudraṃ pāradastu daśāṃśataḥ
46.5
ekatra marditaḥ kāryoṃ vaṭakatvena mudravat
pradare ca tathānyeṣu ṛtuśaleṣu yojayet
46.6
jananaṃ ca śiśorasya prayogeṇa sukhaṃ bhavet
devadālīrasaṃ kṣaudraṃ sarpirāmalakīrasam
46.7
mṛditvā bharjitairmudgacūrṇaiḥ saha dinadvayam
bhakṣayet karṣamātraṃ tu matirvadheta dhātubhiḥ
46.8
devadālyāḥ supatrāṇi vidhinā ca samāharet
piṣṭvā tu guṭikāṃ kṛtvā chāyāyāṃ pariśoṣayet
46.9
pratyūṣe bhakṣayet prājñaḥ praṇamya vṛṣabhadhvajam
vātagulmayakṛtplīhavṛddhayo yānti saṃkṣayam
46.10
devadālyāstu pañcāṅgaṃ sūkṣmacūrṇaṃ ca kārayet
taccūrṇaṃ sarpiṣāloḍya yo bhuṅkte saptarātrakam
46.11
sarvānapi vaśīkuryāt strīṇāṃ priyatamo bhavet
devadālīrasaistulyaṃ śvetaṃ nikṣipya sarṣapam
46.12
lakṣmaṇāmapi saṃyojya guṭikāṃ kārayed budhaḥ
karṣārthaṃ bhakṣayennityaṃ kāsaśvāsau vinaśyataḥ
46.13
śuklapakṣe paurṇamāsyāṃ puṣyayukte śubhe dine
vidhānena baliṃ dadyāttadvanaspataye tataḥ
46.14
homādīṃśca vidhāyātha namaskṛtvā jitendriyaḥ
pradakṣiṇatrayaṃ kṛtvā devadālīṃ samuddharet
46.15
asya bhakṣaṇamantraḥoṃ devaprayatnena nirvighnaṃ jāyate| tejomālinī vidveṣān jahi
svāhā
devadālī mahāvīryaḥ sarvaśatruvināśanaḥ
maṣauṣadhe siddhidā tvaṃ gaṅgātvatpāpanāśini
46.16
amṛtagamane māṃ rakṣa svāhā| kavacam| devadālīmahābhūtādhipataye
oṃ namaḥ svāhā
sadā cānena mantreṇa coddharet prayataḥ śuciḥ
udaṅmukhaḥ prāṅmukho vā niyamenoddharet sthitaḥ
46.17
ulūkhale kṣālite ca mardayitvā haredrasam
payasā bhājane lauhe pācayecca tuṣāgninā
46.18
vamanaṃ recanaṃ kṛtvā śuklapakṣe śubhe dine
pibenmāsaṃ bhavettena vṛddhignarbalasya ca
46.19
devadālīsarṣapau ca biḍālapadamātrataḥ
audumbarajalairbhojyau gulmaplīhabhagandarāḥ
46.20
kāmalāpāṇḍurogādyā vinaśyanti viśeṣataḥ
asya cūrṇaṃ tu saṃgṛhya vājigandhāsamanvitam
46.21
sarpiṣā bhakṣayennityaṃ vājīkaraṇamuttamam
oṣadhyā devadālyāstu guṇā evaṃ prakīrtitāḥ
Linked texts (1)
- Kākacaṇḍīśvarakalpatantra — Kākacaṇḍīśvara, Sanskrit