Kakacandi 48
Kākacaṇḍī 48
- Language
- Sanskrit
48.1
oṣadhīnāṃ varāṃ jyeṣṭhāṃ varṇanīyāṃ surairapi
śṛṇu pārvati yatnena surāṇāṃ ca sukhapradām
48.2
bahuprakārarūpāṃ tāmahamadya bravīmi te
mūlāvartā śikhāramyā sahadevī kumārikā
48.3
madhuparṇī ketakī ca mālatī viṣahā smṛtā
gorambhā ca samākhyātā subhagā viśikhā smṛtā
48.4
evaṃ ca sādhakaireṣā nairkenāmabhirucyate
nāmnā śikhiśikhetyeva sarvairāhūyate bhuvi
48.5
saṃgṛhya puṣyanakṣatre bālānāṃ bandhayed gale
grahabhūtapisācebhyaḥ śākinībhyo haredbhayam
48.6
dhūpaṃ bhūtajvare dadyāttaṃ tadevopaśāmayet
tasyā mūlaṃ śikhāyāṃ ca baddhvā rātrau vrajedvahiḥ
48.7
na bhūtebhyo bhujaṅgebhyo nāpnoti bhayaṃ kvacit
uccāṭayecca tatsūkṣmaśākhayā hi mahāgrahān
48.8
haste baddhvā vṛścikasya viṣaṃ vitrāsayennaraḥ
tāmbūlaināśitaṃ tacca mūṣikasya viṣaṃ haret
48.9
sarpiṣā marditaināsya nasyaṃ mūlena dāpayet
sarpadaṣṭaḥ sukhaṃ yāti dvitraireva kṣaṇairapi
48.10
oṃ namaḥ kharamukhāya śaktihastāya yamapuravāhanāya karmadakṣāya
oṣadhirājāya ṭhaḥ ṭha svāhā
anena mantreṇa saptavāramabhimantrya kṛṣṇacaturdaśīyāminyāṃ śucirbhūtvā mayūraśikhāmuṭapāṭayet
evaṃ sā saṃgṛhītā syāt suprabhāvasamanvitā
tataḥ samūlāṃ tāṃ samyagātape śoṣayenmṛdau
48.11
cūrṇayitvā susūkṣmaṃ taccūrṇaṃ ca madhunā bhajet
trikarṣamātrayā nityaṃ satyaṃ syāt sumahadbalam
48.12
madhunā ca ghṛtenāpi kuryāttadavalehakam
śāṇamātraṃ tataḥ khādenmāsena syānmahadbalam
48.13
pacenmayūraśikhayā tailaṃ sakṣīramambhasā
tadabhyaktaṃ keśadoṣān palitādīnapohayet
48.14
sūryāvartaṃ tathānyāṃśca śirorogān haredidam
tārthyasyākṣīva netraṃ ca susūkṣmagrāhi jāyate
48.15
triḥsaptadivasairāsyaṃ syāt suvarṇasamaprabham
niṣiktaṃ śrotrayoḥ kuryācchabdagrāhaṃ nṛṇāṃ sadā
48.16
hemakṣīryā rasairmarthyā mayūrasya śikhā bhṛśam
tatastatkalkasaṃmiśraṃ kṣīraṃ peyaṃ niśāsu ca
48.17
vṛṣyamatyuttamaṃ vidyānmedomāṃsapravardhanam
vātarogaॉśca śamayedaśītiṃ nātra saṃśayaḥ
48.18
mūlaṃ tu girikarṇyāśca śvetāyā ravivāsare
utpāṭayed bhṛṅgarājaṃ samūlaṃ ca sabījakam
48.19
svātyāṃ tathā pañcamūlaṃ kumāryā mūlameva ca
śvetārkasya tathā mūlaṃ grāhayenniyato naraḥ
48.20
saṃśoṣya sarvamekatra cūrṇayet sūkṣmo bhiṣak
teṣāṃ tulyaṃ mayūrasya śikhāyāścūrṇamarpayet
48.21
guñjācatuṣṭayaṃ tatra madhunā payasāpi vā
pratyahaṃ bhakṣayet prātaḥ kaṭvamlalavaṇaॉstyajet
48.22
pakṣābhyāṃ pakṣaghātādyāstīkṣṇarogastathāpare
yāntyāmavātapramukhāḥ kṣayaṃ nātrāsti saṃśayaḥ
48.23
cūrṇaṃ ca triphalāyāstu nimbapañcāṅgacūrṇakam
cūrṇaṃ śikhiśikhāyāśca grāhyaṃ tulyapramāṇataḥ
48.24
bhāṇḍe ghṛtākte tatsarvaṃ nikṣipedatha mākṣikam
bhāgadvayaṃ yojayecca śarkarāpi samāṃśataḥ
48.25
dhānyamadhye sthāpayecca bhāṇḍaṃ pihitavaktrakam
tripakṣānte tataḥ khādetkarṣaṃ karṣaṃ naro'nvaham
48.26
yojayedanupānena gokṣīraṃ cājyameva vā
yatheṣṭaṃ bhujyatāṃ cānnaṃ dadhikṣīraghṛtaiḥ saha
48.27
naśyantyarśāṃsi sa bhavecchuddhakoṣṭhaḥ sadā naraḥ
jvarā yāntyantikaṃ nāsya kadācidvātajādayaḥ
48.28
tuṣṭiṃ puṣṭiṃ ca bhajate sa naraḥ sarvadā priye !
vimalānīndriyāṇyasya sakalāni bhavanti ca
48.29
rasena kākajaṅghāyāḥ saindhavena ca tāṃ śikhām
mṛditvā vaṭikāṃ kuryād guñjāphalasamāṃ tataḥ
48.30
duṣṭāḥ purāṇā naśyanti malāḥ koṣṭhe dine dine
gulmamānāhamudaramajīrṇamapi hanti tat
48.31
cūrṇaṃ śikhiśikhāyāśca snuhīcūrṇaṃcaturguṇam
bhoktavyaṃ gavyatakreṇa pañcamāṣapramāṇataḥ
48.32
patanti krimayaḥ koṣṭhādudāvarttaśca naśyati
cūrṇametat pradātavyamṛtustambhe striyāṃ sadā
48.33
dugdhena pakṣānnaśyanti sarve garbhāśayāmayāḥ
dadhate garbhamapyetāḥ śīghraṃ sarvaguṇairyutam
Linked texts (1)
- Kākacaṇḍīśvarakalpatantra — Kākacaṇḍīśvara, Sanskrit