Kakacandi 5: atha vajradantīkalpaḥ

Kākacaṇḍī 5

dṛṣṭā sañjīvinī kācit satāṃ bhāgyatataḥ kṣitau
āṣāḍhakāle prathame punarjātā sapallavā

parīkṣya samyak taccarma niśi vaktreṇa dhārayet
ekaviṃśaddinaistasya dantā naiva patanti ca

tanmūlasādhitaṃ kṣīraṃ pibedvīryavivardhanam
ardhāṃśena jaṭākṣīre kṣarati tvarayā pibet

ekaviṃśaddinairmartyo sarvarogādvimucyate
adṛśyo maṇḍalenaiva kāmarūpī trimāsataḥ

śatrubāṇagaṇo naśyet ṣaṇmāsātpaṇḍitena saḥ
aṣaṇḍhāvayavo bhūtvā secanādvartate sadā

mṛtasañjīvinī bhūtvā tadrasāntaśca pāradam
vajraṃ nikṣipya mūṣāyāṃ dhamāte vajramṛtipradam

vajradantībhavaṃ vaktre nyasedyastu phalaṃ pumān
vegastambho bhavettena vighnātaścaiva vahninā

tanmūlāntaritākāraḥ paśyatyambaracāriṇaḥ
tilapuṣparasaḥ prastho dhāmārgavarasottaraḥ

niśāpuṣparasaḥ prasthastritayena samanvitam
vipācitaṃ tu tailaṃ tadabhyaṅgāt saptavāsaraiḥ

kamanīyaṃ snigdhanīlaṃ kuntalaṃ jāyate dhruvam
atyantadīrghamakhilanārījanamanoharam

Linked texts (1)