Kakacandi 50: atha sahadevīkalpaḥ
Kākacaṇḍī 50
- Language
- Sanskrit
atha sahadevīkalpaḥ
50.1
sahadevī mahāvīryā proktā sarvaguṇairyutā
tāmuddhareccaturdaśyāṃ kṛṣṇāṣṭamyāmaharmukhe
50.2
auṣadhiṃ tāṃ samānīya baddhvā sūtreṇa dhārayet
striyaḥ sukhaṃ prasūyante dūre yānti grahāḥ svayam
50.3
kaṇṭhe nibaddhā bālānāṃ gaṇḍamālāmapohayet
kaṭimadhye nibaddhā tu kukṣirogān vināśayet
50.4
ghṛtena saha taccūrṇaṃ sevyaṃ pratidine dine
ajīrṇamakhilaṃ naśyatyagniḥ saṃdhukṣyate tathā
50.5
anayā pācayettailaṃ tacca mūrdhni vilepayet
mūrdharrogā vinaśyanti palitaṃ yāti ca kṣayam
50.6
vipācayed ghṛtaṃ tasyā rasena payasāpi ca
bhakṣayenmāsaparyante kuṣṭhān nāśayati dhruvam
Linked texts (1)
- Kākacaṇḍīśvarakalpatantra — Kākacaṇḍīśvara, Sanskrit