Kakacandi 6: atha hastikarṇīkalpaḥ

Kākacaṇḍī 6

Language: Sanskrit

6.19 — 1 part

atha hastikarṇīkalpaḥ

6.1

śuklapakṣe tu pañcamyāṃ paurṇamāsyāṃ samāharet
revatīrohiṇīpuṣyaśravaṇaiśca samanvite

6.2

abhyarcya gandhapuṣpādyaiḥ saha mūlaṃ vicūrṇayet
toyaṃ kāñjikatakaiśca dadhikṣīrayutaiḥ kramāt

6.3

pṛthak pṛthak saptavāraṃ ghṛtena sahitaṃ pivet
pañcāśadivasaistena vajrakāyo bhavennaraḥ

6.4

turagopamavegaḥ syājjīvanmukto'tidīptimān
sahasramāyurāpnoti valīpalitavarjitaḥ

6.5

yatheṣṭaṃ bhojanaṃ kurvan vicared bhuvi mānavaḥ
evamāpādya vātaghnaṃ kāñjikena samīrajit

6.6

jalodaraṃ tu takreṇa dadhnā gulmaṃ samīrajam
kṣīreṇa kuṣṭharogaghnamājyena sakalāmayān

madhunā sarvadoṣāṃśca nānārogasamanvitān
oṃ caurahṛṣṭiniṣṭe svāhā
mantreṇānena śuddhātmā saptavāraṃ tu mantrayet
oṃ amṛte amṛtodbhave amṛtakuṇḍini svāhā sarvoṣadhīnāṃ rakṣāṃ
kuru kuru svāhā| ayamadhivāsanamantraḥ
amṛtodbhavāyāmṛtaṃ me kuru mahauṣadhi satyaṃ te'stu namo namaḥ
anena mantreṇa saptavāraṃ bhakṣayet
somavāre trayodaśyāṃ sahite bhānuraśmibhiḥ
viśoṣya cūrṇayennālājalakandasamudbhavān

6.12

sūkṣmacūrṇaṃ pratidinamādāya triphalārasaḥ
miśritaṃ pañcalohena pañcaniṣkasamānvitam

6.13

sevayenmāsamātraṃ tu yāvat saṃvatsaraṃ ca tat
tato brahmāyuṣaṃ jīved gajavadvīryavān sudhīḥ

6.14

vidhyedhvararasaḥ prokto lokānāṃ hitakāmyayā
bhuktvā samūlaṃ saghṛtaṃ sakṣaudraṃ pippalīyutam

6.15

saṅkṣipya tatra saṃmardya vidhāya ca mṛdā tataḥ
nikṣipedāyase pātre puṭeddetadgaje puṭe

6.16

atha tatpratyahaṃ japtvā śatāyustanniṣevaṇāt
harītakītarustadvanmārkavaṃ triphalānvitam

6.17

brāhmīphalaṃ mahīdhātrīphalaṃ caiva vimardayet
kṣīreṇāloḍya niṣpīḍya daśarātramatandritaḥ

6.18

priyaṃ muhūrtamanviṣya bhakṣayet prātarutthitaḥ
etatsevanamātreṇa gātraṃ tu kanakāyate

6.19

anenaiva prayogeṇa bhakṣayedbalavān bhaved
manvādiyugaparyantaṃ vartate lokapūjitaḥ

6.19.p1

āragvadhaṃ samūlaṃ ca tadvadeva vinirdiśet

Linked texts (1)

Kākacaṇḍīśvarakalpatantra — Kākacaṇḍīśvara, Sanskrit