Kakacandi 7: atha mahānīlīkalpaḥ
Kākacaṇḍī 7
- Language
- Sanskrit
Contents
- 7.22 — 1 part
atha mahānīlīkalpaḥ
7.1
kṛṣṇābhrakaṃ mahānīlāṃ madhunā saha saṃyutām
āloḍya dhārayenmāsaṃ snigdhe bhāṇḍe prayatnataḥ
7.2
sudine bhakṣayet paścādviḍālapadamātrakam
kṛṣṇābhrakamahānīlīguḍūcīmusalīmadhu
7.3
samāṃśaṃ melayeddhīmān bhakṣayetsudine naraḥ
saṃvatsaraprayogeṇa vṛddho'pi taruṇāyate
7.4
medhāvī balasaṃyukto jīvedvarṣaśatatrayam
kṛṣṇābhrakaṃ mahānīlīṃ kumārīkākajaṅghayoḥ
7.5
mūlāni bahumūlyāni(?) samabhāgāni melayet
madhunā sarpiṣāloḍya saptarātraṃ vidhārayet
7.6
dehaśuddhyai śubhe vāre bhakṣayet kṣīrabhojanam
valīpalitanirmukto varṣayogena jāyate
7.7
gorocanaṃ mahānīlīṃ priyaṅguṃ śaṅkhapuṣpikām
gṛhītvā śravaṇarkṣe tu samaśrotāmbunā saha
7.8
mahānīlīṃ ca goraṇṭāṃ kapilāṃ ghṛtakajjalīm
niśāyāmañjayennetre mohayedativegataḥ
7.9
niryāsaśca mahānīlyā nirguṇḍīnīramāśritaḥ
bhūtapretapiśācāṃśca hanti sarvān na saṃśayaḥ
7.10
eraṇḍatailasaṃmiśrā vātaśūlabhayāpahā
guḍena śophapāṇḍughnā dhāroṣṇena tu kāmalām
7.11
gṛhadhūmena saṃmarthyā hyekāhaviṣamajvare
anyeṣvapi ca rogeṣu dhārayedyuktiyogataḥ
7.12
gurūpadeśamārgeṇa taistaiḥ saha rasāyanam
sevyamānamidaṃ kuryād valīpaॅlitavarjitam
7.13
saṃvatsaraprayogeṇa jīvatyapyayutaṃ samāḥ
pūrvoktaṃ navanītāmraṃ dattvā sāraṇasaṃpuṭe
7.14
yathātailaṃ kṣaṇādatra drāvayed dravamuttamam
rasena dravatānenāgastyapuṣpabhavena ca
7.15
amlīkasvarasairvāpi piṣṭvā ślakṣṇaṃ muhurmuhuḥ
tāmrapātre prakarttavyaṃ prayogaireva miśritam
7.16
sevyamānamidaṃ kuryājjarāmaraṇavarjitam
pañcāṅgacūrṇaṃ nākulyā miśraṃ hemarajo'nvitam
7.17
tacca sevyamajīrṇe'pi grahaṇyāṃ bheṣajottamam
tadradreāgeṣvatīsārādiṣu koṣṭheṣu śāntaye
7.18
mūsalīpatracūrṇena rasasyaitasya sevanam
kṣīreṇa gulmaśophāgnimāndyān saṃnāśayet kṣaṇāt
7.19
bhallātaṃ vā guḍūcīṃ vā tilena payasā saha
niṣeveta vinaśyanti kuṣṭhaṃ pāmā vicarcikā
7.20
ghṛtena kṣayarogaghnaṃ kṛcchraṃ śarkarayā yutam
kare baddhaṃ mahānīlīmūlaṃ nityajvarāpaham
7.21
svarasena mahānīlyāḥ salilaṃ sarvadoṣahṛt
japāpallavapuṣpāṇi mahānīlīyutāni ca
7.22
taṇḍulāmbhasi pītāni ghnanti duṣṭaṃ hi śoṇitam
gokṣureṇa mahānīlī piṣṭā taṇḍulavāriṇā
7.22.p1
mūtrakṛcchrarujaṃ hanti mahatīṃ ca mahauṣadhī
Linked texts (1)
- Kākacaṇḍīśvarakalpatantra — Kākacaṇḍīśvara, Sanskrit