Kakacandi 9: atha śvetapunarnavākalpaḥ

Kākacaṇḍī 9

punarnavāyā mūlaṃ tu śubhraṃ goghṛtamiśritam
añjitaṃ harati kṣipraṃ netrāntaragatā rujaḥ

kṣīreṇa puṣpaṃ madhunāśruvāhaṃ bhruvośca kaṇḍūṃ paṭalaṃ ca nīlyā
netrāndhatāṃ kāñjikayā nihanti punarnavā netranavaṃ karoti

naktāndhye ca divāndhye ca kṣīraṃ yuñjīta pūrvavat
chāyāśuṣkaṃ tu taccūrṇa samūlaphalapallavam

sindhūtthaṃ goghṛtenāktaṃ gulmaplīhavināśanam
taccūrṇaṃ sitayā sākaṃ yadvā kṣīreṇa yaḥ pibet

prabhātakāle satataṃ sa jīveccharadāṃ śatam
cūrṇaṃ jyotiṣmatīyuktaṃ kāmānalavivardhanam

tajjaṭāṃ vāriṇā piṣṭvā netrarogeṣu yojayet
śikhāmadhusamāyuktaṃ sevitaṃ ca jarāṃ jayet

punarnavāśikhācūrṇaṃ palārdhaṃ payasā saha
māsaikaṃ māsayugmaṃ vā jīrṇaṃ pītaṃ vināśayet

kṣīrānnena vinaśyanti śirorogajvarādayaḥ
puṣyārkeṇa ca saṅgṛhya prātaḥ śvetapunarnavā

samūlaparṇāṃ saṅgṛhya sūkṣmacūrṇaṃ tu kārayet
ghṛtena madhunāloḍya māsamātraṃ nidhāpayet

vasantasamaye caiva śucirbhūtvā samāhitaḥ
ahanyahani bhoktavyaṃ viḍālapadamātrakam

tato māsāntare devi cāmpeyakusumaprabhaḥ
alyā samānaḥ keśaḥ syād gauḍadeśastriyāmiva

bṛhaspatisamo vidvāñjīvetpañcaśatābdakam
tanmūlena praśāntoṣmā tāmraḥ svarṇatvamāpnuyāt

tacca yogeṣu kanakaṃ saṃyojya yadi bhujyate
anekakālajīvī syāt kandarpa iva mūrtimān

Linked texts (3)