Pramāṇa · Search · About · API

Rasarnava (Maheshvara) 2

Rasārṇava (Maheśvara) 2

Language
Sanskrit

Contents

2.2

kailāsaśikhare ramye nānāratnavibhūṣite
nānādru malatākīrṇe gupta sambandhavarjite

2.3

devadevaṃ sukhāsīnaṃ nīlakaṇṭhaṃ trilocanam
praṇamya śirasā devī pārvatī paripṛcchati

2.4

praṇamya śirasā devaṃ śaṅkaraṃ loka-śaṅkaram
rasārṇavaṃ nirīkṣe'haṃ rasendrajñāna-siddhaye
śrīdevyuvāca—
devadeva mahādeva, kāla kāmāṅgadāhaka
kula1kaula-mahākaula siddhakaulādināśana !

2.5

tvatprasādācchrutaṃ sarvamaśeṣamavadhāritam
yadi te'hamanugrāhyā yadyahaṃ tava vallabhā

2.6

sūcitā sarvatantreṣu yā puna rna prakāśitā
jīvanmuktiriyaṃ nātha ! kīdṛśī vaktumarhasi2

2.7

śrībhairava uvāca—
sādhu sādhu mahābhāge ! sādhu parvatanandini !
sādhu pṛṣṭaṃ tvayā devi ? bhaktānāṃ hitakāmyayā

2.8

a3jarāmaradehasya śivatādātmyavedanam
jīvanmuktirmahādevi ! devānāmapi durlabhā

2.6-2

piṇḍapāte ca yo mokṣaḥ sa ca mokṣo nira4rthakaḥ
piṇḍe tu patite devi ! gardabho'pi vimu5cyate

2.10

yadi muktirbhaṃgakṣobhe kiṃ na muñcanti 1 gardabhāḥ
ajāśca vṛṣabhāścaiva kinna muktā gaṇāmbike !

2.11

tasmāt saṃrakṣayet piṇḍaṃ rasaiścaiva rasāyanaiḥ
śukra2mūtrapurīṣāṇāṃ yadi muktirniṣevaṇāt

2.12

kinna muktā mahādevi ! śvānaśūkarajātayaḥ
ṣaḍdarśane'pi muktistu darśitā piṇḍapātane

2.13

karāmalakavat sā'pi pratya3kṣaṃ nopalabhyate
akathyamapi deveśi ! sadbhāvaṃ kathayāmi te

2.14

śūnyapāpo mantrayājī na piṇḍaṃ dhārayet kvaci4t
devānāpi deveśi ! durlabhaṃ piṇḍadhāraṇam

2.15

kiṃ punarmānuṣāṇāntu dharaṇītalavāsinām
dharme naṣṭe kuto dharmaḥ, dharme naṣṭe kutaḥ kriyā

2.16

kriyānaṣṭe kuto yogaḥ yoge naṣṭe kuto gatiḥ
gatina1ṣṭe kuto mokṣo mokṣe naṣṭe na kiñcana

2.17

tena piṇḍo mahābhāge ! rakṣaṇīyaḥ prayatnataḥ
śrīdevyuvāca —
jīvanmuktisvarūpaṃ tu devadeva ! śrutaṃ mayā
tatpra2tyupāyaṃ me brūhi yadyasti karuṇā mayi

2.18

śrībhairava uvāca —
karmayogena deveśi ! prāpyate piṇḍadhāraṇam
rasaśca pavanaśceti karmayogo dvidhā mataḥ

2.19

mūrcchito harate vyādhiṃ mṛto jīvayati svayam
baddhaḥ khecaratāṃ kuryyāt raso vāyuśca bhairavi

2.20

jñānānmokṣaḥ sureśāni ! jñānaṃ pavanadhāraṇāt
tatra devi ! sthiraṃ piṇḍaṃ yatra sthairye rasaḥ prabhuḥ

2.21

acirājjāyate devi ! śarīramajarāmaram
manasaśca yathā dhyānaṃ rasayogādavāpyate

2.22

satyaṃ sa labhate devi ! jñānaṃ vijñānapūrvakam
tasya mantrāśca sidhyanti yo'śnāti mṛtasūtakam

2.23

yāvanna śaktipātastu na yāvat pāśakṛntanam
tāvattasya kuto bu(śu)ddhiḥ jāyate mṛtasūtake

2.24

madyamāṃsaratā nityaṃ bhagaliṅgeṣu ye ratāḥ
teṣāṃ vinaṣṭabuddhīnāṃ rasajñānaṃ sudurlabham

2.25

kulaśāsanahīnānāṃ sadarśanamakāṅkṣiṇām
na sidhyati raso devi! pibanti mṛgatṛṣṇikām

2.26

gomāṃsaṃ bhakṣayedyastu pibedamaravāruṇīm
kulīnaṃ 1 tamahaṃ manye rasajñamapare'dhamāḥ

2.27

na garbhaḥ sampradāyātha raso garbho vidhīyate
tenāyaṃ labhate siddhiṃ na siddhiḥ sūtakaṃ vinā

2.28

yāvanna haravījantu bhakṣayet pāradaṃ rasam
tāvattasya kuto muktiḥ kutaḥ piṇḍasya dhāraṇam

2.26-2

madyamāṃsaratā'prajñā mohitāḥ śivamāyayā
jalpanti ca vayaṃ muktā yāsyāmaḥ śiva'mandiram

2.30

piṇḍadhāraṇayoge ca nispṛhā mandabuddhayaḥ
khaṇḍajñānena deveśi ! rañjitaṃ sacarācaram

2.31

svadehe khecaratvaṃ ca śivatva yena labhyate
tādṛśe tu rasajñāne nityābhyāsaṃ kuru priye

2.32

śrīdevyuvāca —
avatāraṃ rasendrasya māhātmyaṃ tu sureśvara
śrotumicchāmi deveśa vaktumarhasi tattvataḥ

2.33

śrībhairava uvāca—
sādhu pṛṣṭaṃ mahābhāge ! guhyādguhyataraṃ tvayā
anugrahakaraṃ dhyānaṃ lokānāmupakārakam

2.34

tvaṃ mātā sarvabhūtānāṃ pitā cāhaṃ sanātanaḥ
dvayośca yo raso devi ! ma'hāmaithunasambhavaḥ

2.35

svairataḥ sambhavāddevi pāradaḥ kīrttito mahaḥ
pārado gadito yaśca parārthaṃ sādhakottamaḥ

2.36

sūto'yaṃ matsamò devi ! mama pratyaṅgasambhavaḥ
mama deharaso yasmāt rasastenāyamucyate

2.37

darśanāt sparśanāt tasya bhakṣaṇāt smaraṇādapi
pūjanācca pradānācca dṛśyate ṣaḍvidhaṃ phalam

2.38

kedārādīni liṅgāni pṛthivyāṃ yāni kāni ca
tāni dṛṣṭvā tu yatpuṇyaṃ tatpuṇyaṃ rasadarśanāt

2.39

candanāgurukarpūrakuṅkumāntargato rasaḥ
mūrcchitaḥ śivapūjāyāṃ śivasānnidhyasiddhaye

2.40

bhakṣaṇāt parameśāni ! hanti 1pāpatrayaṃ rasaḥ
tathā tāpatrayaṃ hanti rogān doṣatrayodbhavān

2.41

durlabhaṃ brahmaniṣṭhaiḥ prāpyate paramaṃ padam
hṛdvyomakarṇikāntaḥstharasendrasya maheśvari !

2.42

smaraṇānmucyate 2pāpaiḥ sadyo janmāntarārjitaiḥ

2.43

3svayambhū liṅgasāhasraiḥ yatphalaṃ samyagarca̍nāt
tatphalaṃ koṭiguṇitaṃ rasaliṅgārcanādbhavet

2.44

adhamaḥ khagavādastu viḍa (ḍa) vādastu madhyamaḥ
uttamo mantravādastu rasavādo mahottamaḥ

2.45

mantratantraparijñāne rasayogasya dūṣakāḥ
prayānti narakaṃ sarve chittvā sukṛtasañcayam

2.46

rasavidyā 1parā vidyā trailokye'pi sudurlabhā
bhuktimuktikarī yasmāt tasmāddeyā guṇānvitaiḥ

2.47

astīti bhāṣate kaścit kaścinnāstīti bhāṣate
āstike tu bhavetsiddhiḥ tasya siddhadhati bhūtale

2.48

nāstikenānubhāvena nāsti nāstīti yo vadet
tasya nāsti priye siddhirjanmakoṭiśatairapi

2.49

brahmajñānena mukto'sau pāpī yo rasanindakaḥ
nāhaṃ trātā bhave tasya janmakoṭiśatairapi

2.50

1śvāno'yaṃ jāyate devi ! yāvat janmasahasrakam
trikoṭijanmalakṣāṇi mārjāro jāyate rasāt
rāsabho lakṣajanmāni lakṣajanmāni vāyasaḥ

2.51

kṛ2miko lakṣajanmāni kukkuṭo janmalakṣakam
gṛdhrako lakṣajanmāni yaḥ pāpī rasanindakaḥ

2.52

ālāpaṃ gātrasaṃrśaṃ yaḥ kuryādrasanindakaiḥ
yāvajjanmasahasraṃ tu sa bhavedduḥkhapīḍitaḥ

2.53

rasavīryavipāke ca sūtakastvamṛtopamaḥ
tena janmajarāvyādhīn harate sūtakaḥ priye !

2.54

gurumārādhayet pūrvaṃ viśuddhenāntarātmanā
sampradāyaṃ prayacchanti gurau tuṣṭe marī3cayaḥ

2.55

gurusevāṃ vinā karma yaḥ kuryyānmūḍhacetanaḥ
sa yāti niṣphala karma svapnalabdhaṃ dhanaṃ yathā

2.56

yaḥ karma kurute dṛṣṭaṃ tasya lābhaḥ pade pade
kārayedrasavādantu tuṣṭena guruṇā priye

2.57

siddhyupāyopadeśo'yamubhayorbhogamokṣadaḥ
rasārṇavaṃ mahātantramidaṃ paramadurlabham

2.58

gopyaṃ guruprasādena labdhaṃ syāt phalasiddhaye
labdhvā'tra rasakarmāṇi nāhaṅkāraṃ samācaret

2.59

anujñātaśca guruṇā labdhvā cājñāṃ rasāṅkuśīm
bhairavīṃ tanumāśritya sādhayedrasabhairavam

2.60

evamuktā rasotpattiḥ māhātmyañca sureśvari !
tanmamācakṣva deveśi ! kimanyacchrotumicchasi

2.60.p1

iti śrī pārvatīparameśvarasaṃvāde rasārṇave rasasaṃhitāyāṃ tantrā'vatāro nāma prathamaḥ paṭalaḥ || 1

Linked texts (7)