Ashtangahridayasamhita 1.2.115: Sarvāṅgasundarā

1.2.115.1

nīcaromatvādikaṃ vidhatte-nīceti| nīcatvaṃ chedena kāryam| romaśabdena keśā api gṛhyante| uktaṃ hi carake (sū.a. 8/18)-"triḥ pakṣasya keśaśmaśrutomanakhānsaṃhārayet" iti| tathā, nirmalāṅghrimalāyanaḥ| malāyanaṃ-śrotrādi| snānaśīlaḥ-kāladvaye+api snānaniṣṭhaḥ, pratyahaṃ snānasya prāgvihitatvāt| uktaṃ ca carakeṇa (sū. a. 8/18)- "dvau kālāvupaspṛśet" iti| susurabhirgandhamālyādidhāraṇena| suveṣo vastrālaṅkārādidhāraṇena| anulbaṇojjvalo+anuddhataśṛṅgāraḥ| ujjvalaḥ-śṛṅgārarasaḥ|