Ashtangahridayasamhita 1.2.17: Sarvāṅgasundarā

1.2.17.1

asmātkāraṇāt, srāvaṇārthaṃ saptarātre sati, rasāñjanaṃ dārvīkvāthasamudbhavākhyaṃ, yojayet| yasmāccakṣustejomayamāgneyam| yadyapi pañcamahābhūtātmakaṃ sarvamapi, tathāpi bāhulyena vyapadeśāttejomayamucyate| ata eva tadrūpāṇyālocayati| tathā ca loke kaścidāha-- "narapatireti" iti| na cāsau narāṇāmeva patiḥ kintarhi nārīṇāmapīti| tasya hi cakṣuṣo vātapittābhyāmapi bhayamasti, viśeṣeṇa tu kaphādbhayam, tato rasāñjanaṃ yojayet|