Ashtangahridayasamhita 1.2.26: Sarvāṅgasundarā

1.2.26.1

abhyaṅgaṃ nityaṃ satatamācaret| nityagrahaṇaṃ copalakṣaṇārtham| ekadvitridināntaramapi yathoditamācarato na doṣaḥ| so+abhyaṅgaḥ, ācaryamāṇo jarā ca śramaśca vātaśca tān hantīti kvip| tathā dṛṣṭītyādi| dṛṣṭeḥ prasādo- vaimalyaṃ dṛṣṭiprasādaḥ| śobhanā cāsau tvak ca sutvak, tasyā bhāvaḥ sutvaktvam| dṛḍhasya bhāvo dārḍhyam| "varṇadṛḍhādibhyaḥ ṣyañca" iti ṣyañ| dṛṣṭiprasādādīnāṃ dvandvaḥ| tāni karoti yo+abhyaṅgaḥ, sa evam|