Ashtangahridayasamhita 1.3.47: Sarvāṅgasundarā

1.3.47.1

yat- yasmāt, tīkṣṇāṃśuḥ- bhāskaraḥ, atitīkṣṇā aṃśavaḥ- karāḥ, yasya sa evaṃbhūtaḥ san, grīṣme saṃkṣipatīva jagatsnehamityatrānuktamapyarthāllabhyate| kecittu "snehamarko+atitīkṣṇāṃśuḥ" iti paṭhanti| snehastejo balaṃ sāramityeko+arthaḥ| taṃ snehamarkaḥ saṃkṣipatīva- yatsambandhāt saṃharatīva pibatīva| ivaśabdenaitatsūcayati- hetupratyayaparatantreṣu sarvabhāveṣu na kaścitkvacit tadbuddhipūrvakaṃ saṃharati| ataḥ- asmātkāraṇāt, asmin- grīṣmakāle, paṭvādīstyajet| paramārthato balahānikṛttvādeṣām|