[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [Aṣṭāṅgahṛdayasaṃhitā](https://indike.org/pramana/in.med.samhita.astangahrdaya) › [Sarvangasundara](https://indike.org/pramana/in.med.samhita.astangahrdaya!arunadatta) › 1.6.50 # Ashtangahridayasamhita 1.6.50: Sarvāṅgasundarā Sarvāṅgasundarā 1.6.50 - **Language:** Sanskrit ### Sarvāṅgasundarā ### [1.6.50.1](https://indike.org/pramana/in.med.samhita.astangahrdaya!arunadatta.1.6.50.1) śimbyāḥ-kośyāḥ, dhānyaṃ-mudgādikaṃ, yat śimbīdhānyaṃ tadvibandhakṛt| keṣāṃ vibandhaṃ karoti ? sāmarthyāt srotasām, na tu purīṣādīnām| tathā ca saṅgrāhītyatraiva paṭhati śāstrakṛt| saṅgrāhilakṣaṇaṃ ca tatrāntare| yathā-"bhedi tatpiṇḍatān bhāvān śakṛdādīnbhinatti yat| viparītamato grāhi" iti| tasmādvibandhaṃ srotasāmevetyavehi| tathā, kaṣāyaṃ svādu kaṭupākaṃ śītavīryaṃ laghu ca| masūrādītyatrā+a+adiśabdena makuṣṭhacaṇakādīnāṃ grahaṇam| tathā, medaādiṣu hitam, prakṛtatvādabhyavahāre tathā lepa upaseke ceti| caśabdo+atra luptanirdiṣṭo bodhyaḥ| lepaḥ-pradehaḥ| upasekaḥ-pariṣekaḥ| kaṣāyaśītarūkṣatvena kaṭupākitvena ca vātakṛttvaṃ śimbīdhānyasya śāstrakṛtoktam| ata evedamupapannam-"mudgo+alpacalaḥ" iti| yadi hi śimbīdhānyasya mārutakṛttvaṃ sameyāt, tadaitadvaktuṃ yujyate| tasmāt vātakṛttvamasyāstīti sthitam| tasmiṃśca satyādhmānakāritvamapyupapannameva| ata eva saṅgrahe+asyādhmānakāritvamuktam| mudgādīnāṃ ca viśeṣāstatraivoktāḥ (saṃ. sū. a. 7)| yathā-"haritāsteṣvapi varā makuṣṭhāḥ kṛmikāriṇaḥ| varṇyāḥ paraṃ pralepādyairmasūrā grāhiṇo bhṛśam||" iti| ## Linked texts (1) - [Aṣṭāṅgahṛdayasaṃhitā](https://indike.org/pramana/in.med.samhita.astangahrdaya.305) — Vāgbhaṭa, Sanskrit --- Source: [https://indike.org/pramana/in.med.samhita.astangahrdaya!arunadatta.1.6.50](https://indike.org/pramana/in.med.samhita.astangahrdaya!arunadatta.1.6.50) · Pramāṇa