Ashtangahridayasamhita 1.6.53: Sarvāṅgasundarā

1.6.53.1

atra-eṣu śimbīdhānyeṣu madhye, mudga uttamaḥ| tathā, alpaṃ calaṃ-pavanaṃ karotītyalpacalaḥ \_ turvyatireke| kalāyaḥ punaratiśayena vātalo bhavati| rājamāṣo rūkṣo bahu śakṛtkarotīti bahuśakṛt| tathā, guruḥ| tathā, anilakaraḥ- "kṛño hetuḥ" iti tācchīlye ṭaḥ, kalāyavannātivātalaḥ, anyaśimbīdhānyāccātivātalo+ayamiti vedyam, anilakaragrahaṇāt| anyathāśimbīdhānyasāmānyalakṣaṇena vātamātrakaraṇasya labdhatvādanilakaragrahaṇaṃ na kuryāt|