Ashtangahridayasamhita 4.1.12: Sarvāṅgasundarā

4.1.12.1

tatra-tasminmale, utkṛṣṭe-svajanmaguṇakarmalakṣaṇato+adhike| tathā, kaphaprāye-kaphabahule vātākhye pittākhye veti sāmarthyādgamyate| samutkliṣṭe-svasthānāccalite bahireniryāte| tathā, cale-śithile, utkliṣṭe+api hi kadācit sthānāvaṣṭambhādacalaḥ syāt| etadeva kaphotkliṣṭādikaṃ darśayati-sahṛllāsesyādi| hṛllāsādīnāṃ dvandvaḥ| saha tairvartate yastasmin| hṛllāsaḥ-udvamanamivānubhavaḥ| udvamanaṃ-hṛdayasya| prasekaḥ-pānīyasyeva niṣṭhīvanam| sadyobhuktasyetyādi| īdṛśo male sati sadyaḥ kṛtāhārasya jvare sañjāte viśeṣeṇa sāme jvare vamanārhasya vamanaṃ śastam| vamanārhāḥ-vamanavirecanavidhau proktāḥ|