[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [Aṣṭāṅgasaṃgraha](https://indike.org/pramana/in.med.samhita.astangasamgraha) › [Shashilekha](https://indike.org/pramana/in.med.samhita.astangasamgraha!indu) › 33.3 # Ashtangasamgraha 33.3 Śaśilekhā 33.3 - **Language:** Sanskrit ### [33.3](https://indike.org/pramana/in.med.samhita.astangasamgraha!indu.33.3) upanāhasvedaḥ punaḥ sarvagandhāyaiḥ | upanāha uṣṇapiṇḍabandhaḥ | gandhāḥ kuṣṭhādayaḥ | dhānyānyuṣṇavīryāṇi tilādīni | kiṇvaṃ prasiddham | surākiṭṭaṃ jagalaḥ | anyeṣām vātaharāṇāṃ dravyāṇāṃ śodhanādipaṭhitānāṃ cūrṇaiḥ | yavagodhūmaśakalairityaślakṣṇapiṣṭairityarthaḥ | tathā ānūpodbhavairasūkūpiṣṭaiḥ śiraḥ prabhṛtibhiḥ māṃsaiḥ | veśavāraiśca | veśavāraḥ sūkṣmacchinnaṃ māṃsam | tathā śleṣmasaṃyukte vāyau surasādibhirupanāhaḥ | tathā pittasaṃssṛṣṭe vāyau padmakādibhireva sālvalābhidhānairauṣadhaiḥ | punaḥ punaraṅgaṃ śarīraṃ pradihya carmabhirbaddhaṃ vidāhaparihārārthamahorātramadhye dvau vārau muñcet | kimbhūtaiḥ sālvalābhidhānairāha | pṛthagbhūtaiḥ sahitairvā | kṣīrādipragāḍhaiḥ | pragāḍho ghanapiṣṭaḥ | tathā susnigdhaiḥ snehamiśratvāt | sukhoṣṇaiśca | evaṃbhūtaiḥ sālvalādibhirbahuśo'nekavāramaṅgaṃ pradihyālipya | evaṃvidhāni padmakādīnyeva sālvalābhidhānāni | carmabhiḥ kimbhūtairūṣṇavīryairapūtibhiradurgandhairmṛduromabhiśca | tadabhāve tathāvidhacarmābhāve ghanapiṣṭānāṃ nibiḍānāṃ vātaharaṇānāṃ dravyāṇāṃ mātrayā saṃyuktaiḥ patraiḥ | kauśeyairūpanaddhamaṅgaṃ kasmin kāle muñcet āha | ahaḥsthitamaṅgalagnaṃ niśi muñcet | niśi sthitaṃ divā muñcet | deśakālādyapekṣya yathā vidāho notpadyate tathā athavā muñcet | ityupanāhasvedaḥ | - [Previous: 33.2](https://indike.org/pramana/in.med.samhita.astangasamgraha!indu.33.2) - [Next: 33.4](https://indike.org/pramana/in.med.samhita.astangasamgraha!indu.33.4) - [Up: 33](https://indike.org/pramana/in.med.samhita.astangasamgraha!indu.33) ## Linked texts (1) - [Aṣṭāṅgasaṃgraha](https://indike.org/pramana/in.med.samhita.astangasamgraha.26.3) — Vāgbhaṭa, Sanskrit --- Source: [https://indike.org/pramana/in.med.samhita.astangasamgraha!indu.33.3](https://indike.org/pramana/in.med.samhita.astangasamgraha!indu.33.3) · Pramāṇa