[Pramāṇa](https://indike.org/pramana/) › [Indian literature](https://indike.org/pramana/in) › [Medicine](https://indike.org/pramana/in.med) › [Early and ascribed compendia](https://indike.org/pramana/in.med.samhita) › [Aṣṭāṅgasaṃgraha](https://indike.org/pramana/in.med.samhita.astangasamgraha) › [Shashilekha](https://indike.org/pramana/in.med.samhita.astangasamgraha!indu) › 78 # Ashtangasamgraha 78 Śaśilekhā 78 - **Language:** Sanskrit ### [78.2](https://indike.org/pramana/in.med.samhita.astangasamgraha!indu.78.2) dehadhātvityādinā prayukte'pi viṣaye laṅghanakrame jvarānuvṛtterheturucyate | dehasyābalatvaṃ dhātūnāṃ cāparipoṣo jvarānuvṛttihetuḥ | tasyāṃ ca jīrṇatāyāṃ prathamaṃ kaṣāyapānaṃ paścāt sarpirupakṣitaṃ pūrvādhyāye | tasyaivātra viśeṣeṇa viṣayapradarśanaṃ kriyate tasmin jīrṇajvare sarpiḥ śasyate | kathamityāha | ### [78.5](https://indike.org/pramana/in.med.samhita.astangasamgraha!indu.78.5) rūkṣamityādi | tejo hi jvarakṛt pittākhyaṃ tacca tejastvādeva rūkṣam | tena ca tejasā rūkṣitasya sataḥ puruṣasya vamanādibhirapatarpaṇairyo dhātuḥ sadāgatyākhyaḥ prabhañjanāparanāmā tena sahacāryatibalaḥ syāt | tasya sadāgatestejasaḥ sahacāriṇaḥ sarpiḥ saṃśamanaṃ bhavati | yathā dīptasya veśmano'mbu | tacca sarpirvātapittajitāmaupadhānānmathyam | tathā saṃskāramanurudhyate yenaiva saṃskriyate tadguṇaiḥ sahātmīyakāryakaraṃ bhavatītyarthaḥ | yataśca saṃskāramanurudhyate'tastatsutarāṃ yathāsvauṣadhasādhitaṃ jvariṇe dadyāt | vātānvaye tadauṣadhaiḥ siddhamevaṃ pittakaphayorapi vijñeyam | tacca siddhaṃ sarpistrayāṇāmapi doṣāṇāṃ pathyamiti pradarśanārthamāha | ### [78.7](https://indike.org/pramana/in.med.samhita.astangasamgraha!indu.78.7) viparītamityādi | jvaroṣmāṇaṃ pittaṃ ca viparītaṃ śaityājjayet | vātaṃ tu viparītaṃ snehājjayet | kaphaṃ punastulyamapi tannāśakadravyasaṃyogasaṃskārābhyāṃ jayet | ato hetoḥ pūrve mustāparpaṭakādyāḥ kaṣāyā yathādoṣaṃ saghṛtāḥ mājya yojyāḥ | tenaitaduktaṃ bhavati | doṣādyapekṣayā kadācidauṣadhaiḥ siddhaṃ sarpiḥ pibet | kadācidauṣadhāni sarpiṣā saheti | subodham | suyojyam | ### [78.9](https://indike.org/pramana/in.med.samhita.astangasamgraha!indu.78.9) nidigdhikādibhiḥ sādhitaṃ ghṛtaṃ sadyo jīrṇajvarādikaṃ hanti | kalkāccaturguṇaśca snehaḥ palasaṅkhyayā | snehāttoyaṃ caturguṇam | etacca pramāṇasyānuktau sarvatra snehapākeṣvapi vijñeyam | tāmalakī tālī | aṃśumatī sālaparṇī | sevyamuśīram | vahnervaiṣamyamuktalakṣaṇam | ### [78.10](https://indike.org/pramana/in.med.samhita.astangasamgraha!indu.78.10) vāsādīnāṃ kvāthakalpa nayā kvāthe snehāccaturguṇe kvāthasame ca kṣīre pippalyādibhiśca kalkitairmānena snehāccaturthāṃśairjvaraghnaṃ ghṛtaṃ pacet pūrvavat | ### [78.12](https://indike.org/pramana/in.med.samhita.astangasamgraha!indu.78.12) balādikyāthena drākṣādikalkena ghṛtaṃ pacet | atra kṣīraṃ ghṛtasamam | tacca ghṛtaṃ paraṃ jvaraharaṃ kṣayādinucca | ### [78.18](https://indike.org/pramana/in.med.samhita.astangasamgraha!indu.78.18) kulatthādikvāthadravyapalāni dvātriṃśat | saliladroṇaḥ palaśatāni pañcadvādaśapalādhikāni | kvathitaśeṣaṃ caturthāṃśena palānāṃ śatamaṣṭāviṃśatyadhikam | añjhaṭāntāni kārṣikāṇi | kaṇṭakī khadiraḥ | gojihvā gorjī | añjhaṭā bahuputrā ca bhūdhātrī tāmalakyapi | ### [78.21](https://indike.org/pramana/in.med.samhita.astangasamgraha!indu.78.21) evameva mañjiṣṭhādyam | suvodham | yatra ca sāmānyena kvāthaśabdastatra kvāthaṃ dravyapale kuryāt prasthārthe pādaśoṣitamityetadvagantavyam | tena dravyān ṣoḍaśaguṇaṃ kvathanajalam| kvāthitaśeṣaṃ caturthāṃśaṃ dravyāccaturguṇāma | picuḥ karṣaḥ | ### [78.22](https://indike.org/pramana/in.med.samhita.astangasamgraha!indu.78.22) guḍūcyāḥ svarasaḥ snehāccaturguṇaḥ tasyā eva kalkaḥ snehāccaturthāṃśaḥ | evaṃ triphalāyā vṛṣamya ca vācyam | ### [78.24](https://indike.org/pramana/in.med.samhita.astangasamgraha!indu.78.24) yasmin kasmiṃścit ghṛte jīrṇe mṛdu māṃmarasāśanaṃ bhuñjīta | yatastanmāṃsarasāśanaṃ paraṃ valapradaṃ balaṃ ca śreṣṭhaṃ doṣaharammauṣadhādito yata evamataḥ pūrvoktāḥ kāravellādijā rasā ye pittaśleṣmaharāste jīrṇajvare vātottaratvānna hitāḥ śūlādijananācca | ### [78.25](https://indike.org/pramana/in.med.samhita.astangasamgraha!indu.78.25) evaṃ ca snehayojanenāpi yadi viṣaye prayuktena jvaro na śāmyati tataḥ śodhanārhasya garbhiṇīsukumārādyatimāryādivarjitasya śodhanaṃ yojayet | vamanaṃ pūrvoktapippalyādi yathāyogaṃ yojayet | tacca vamanaṃ jīrṇajvariṇa āmāśayagate doṣe yojyaṃ balinaśca | ### [78.26](https://indike.org/pramana/in.med.samhita.astangasamgraha!indu.78.26) yaśca jvaraḥ pūrvaṃ santarpaṇotthastatra pippalīlavaṇāmbunaiva vamanaṃ yojyam | dāhatṛṣṇolvaṇe punaḥ sarve vamanaṃ pittānvayena śarkarāmākṣikyodakenaiva yojyam | ### [78.31](https://indike.org/pramana/in.med.samhita.astangasamgraha!indu.78.31) pakve tu doṣe śithile nātilīne virecanaṃ dadyāt | tathā viṣame jvare madyaje jvare ca sutarām | viṣajo viṣasaṃskārajaḥ | kiṃ virecanamityāha | modakaṃ triphalādibhiḥ sasitāmadhubhiḥ | athavā vyoṣādyaṃ modakaṃ virecanakalpapaṭhitaṃ vyoṣatrijātakāmbhodhetyādinā | tathā drākṣāmalakābhyāṃ vimiśritaṃ rasam | suvodham | triphalā kṛṣṇamūlasyaiko yogaḥ sarpirmadhubhyām | tathā dvitīyaḥ triphalāyā drākṣārasena pānam | āragvadhaṃ kṣīreṇa vā mṛdvīkārasena vā pūrvāpekṣayā vikalpaḥ | sarvayogānāṃ ca doṣādyapekṣayā bhinnaviṣayatvam | saṃsargī peyādikramaḥ | atra maṇḍaḥ pūrvaṃ paścāt peyādiḥ yathākramamagnyuktaprārtham | ### [78.32](https://indike.org/pramana/in.med.samhita.astangasamgraha!indu.78.32) yatra tu jvare santāpādutkleśena malaḥ svayamūrdhvamadho vā bahiḥ pravartate tatra tanmalamupekṣeta na vidhārayedityarthaḥ | yato doṣaḥ pakko'pi koṣṭhe kṛtāspadaḥ mannavaddhyameva vikāraṃ kuryāt | tasmādupekṣeta | ### [78.33](https://indike.org/pramana/in.med.samhita.astangasamgraha!indu.78.33) athavā atipravartamānaṃ balahānyādibhayāt pācayana vaidyo malaṃ doṣaṃ saṅgrahaṃ nayet | ### [78.34](https://indike.org/pramana/in.med.samhita.astangasamgraha!indu.78.34) āme ca doṣe svayaṃ pravartamāne saṅgṛhīte ye doṣā upadravā bhavanti te doṣopakramādhyāye | vivṛtāste hi kurvate | rogāmunmādanirdiṣṭānatisthaulyādikān gadānityanena granthenoditā uktāḥ | etacca doṣaharaṇaṃ virecanaṃ jīrṇajvare pakve doṣe yojyam | ### [78.35](https://indike.org/pramana/in.med.samhita.astangasamgraha!indu.78.35) yastu bhiṣaṅmūḍho virecanamāmajvare pāyayet sa svayamanarthakārī prasuptaṃ kṛṣṇasarpaṃ karāgreṇāpi parāmṛśet | ### [78.36](https://indike.org/pramana/in.med.samhita.astangasamgraha!indu.78.36) evaṃ jīrṇe jvare'pi jvarakṣīṇasya na vamanaṃ hitaṃ nāpi virecanam | kāmamityaṅgīkaraṇe | tathāvidhasya kṣīṇasya śodhanasādhyatāyāṃ payasā nirūhairvā jvaraghnairmalān haret | ### [78.39](https://indike.org/pramana/in.med.samhita.astangasamgraha!indu.78.39) kṣīrocitasyetyādinā payaso viṣayanirdeśaḥ | tat kṣīraṃ laṅghanottaptaṃ vapurjīvayet | yathāgninā pluṣṭaṃ vanaṃ divyāmbu jīvayet | tasya ca kṣīṇasya kṣīraṃ jvaramāśu nāśayati | tasmādyathāyogaṃ kṣīraṃ kāle vikalpya doṣādīn yuñjīta | ato'nyathā viparīte viṣaye prayuktaṃ kṣīraṃ jvariṇaṃ hanti | ### [78.41](https://indike.org/pramana/in.med.samhita.astangasamgraha!indu.78.41) madhuśuṇṭhyādikaṃ payaḥ śṛtamanu ca śītaṃ madhuyuktaṃ ca tṛṣṇādināśanam | śuṇṭhyādīnāṃ parasparasamānāṃ nātivyāptiḥ | drākṣādibhiḥ payastadvacchṛtaṃ śītaṃ madhuyuktaṃ tṛṣṇādināśanamiti | athavā vikalpya kevalenaiva kṣīrāccaturguṇenaivāmbhasā siddhaṃ pibet | athavā pippalyā siddham | ### [78.43](https://indike.org/pramana/in.med.samhita.astangasamgraha!indu.78.43) pañcamūlaśṛtaṃ payaḥ pītvā kāsādibhyo mucyate | eraṇḍa mūlādinā śṛtaṃ payaḥ pītvā jvarānmucyata iti sambandhaḥ | kiṃbhūtādāha | vibaddhānilavarcasaḥ saraktātisṛtyādeśca | ### [78.45](https://indike.org/pramana/in.med.samhita.astangasamgraha!indu.78.45) śuṇṭhyādisiddhaṃ payo jvariṇaḥ śophādijit | vyāghrī kaṇṭakārikā | trikaṇṭako gokṣurakaḥ | mukhodham | ekā punarnavā vṛścīvo dvitīyā varṣābhūḥ | sāraḥ sthiramabhyantaraṃ śiṃśiyāyā iti paya uktam | ### [78.46](https://indike.org/pramana/in.med.samhita.astangasamgraha!indu.78.46) nirūha ucyate | pakve doṣe pakvāśayagate ca yukto nirūho balādikamāśu karoti | tasyaiva virecanādguṇātiśaya ucyate | ### [78.47](https://indike.org/pramana/in.med.samhita.astangasamgraha!indu.78.47) sraṃsanaṃ virecanam | tadyadi paraṃ pakvāśayagataṃ pittameva haret | kaphapittamevavā | vastiḥ punastrīnapi vātādīnmalān pakvāśayāśrayān haret | ### [78.48](https://indike.org/pramana/in.med.samhita.astangasamgraha!indu.78.48) prakṣīṇa ityādinā pramaṅgenānuvāsanamya snehabastejvare viṣayanirdeśaḥ kriyate | ### [78.50](https://indike.org/pramana/in.med.samhita.astangasamgraha!indu.78.50) paṭoletyādinā nirūhā ucyante | tatra paṭolādyām̐padhāni samāni | tebhyaścāṣṭaguṇaṃ kṣīraṃ grāhyaṃ tāvajjalam | dravyāccaturguṇasya kvathitaśeṣasya grahaṇe prāpte bādhakavacanaṃ kṣīraśeṣamiti | kalkasarpirmadhūni ca sarvatra cāṣṭamaṃ bhāgaṃ kalkādbhavati vā yathā nātyacchamāndretyādiprakāreṇa | paṭolanimbayoḥ chadanaṃ patram | caturaṅgula āragvadhaḥ | sthirā sālaparṇī | kṛṣṇā pippalī | ### [78.51](https://indike.org/pramana/in.med.samhita.astangasamgraha!indu.78.51) parṇindyādikvāthe kalkādi vastividhipradarśitam | parṇindhaḥ sālaparṇī pṛśniparṇī mudgaparṇī māṣaparṇī ca | yaṣṭī madhuyaṣṭī | phalaṃ madanaphalam | nṛpadruma āragvadhaḥ | śatāvhā śatapuṣpā | phalinī gandhapriyaṅguḥ | ### [78.53](https://indike.org/pramana/in.med.samhita.astangasamgraha!indu.78.53) trāyamāṇādyairauṣadhaiḥ saha jāṅgalānāṃ mṛgāṇāṃ pakṣiṇāṃ ca yathālābhaṃ kvāthasaṃskārakarāḥ snehavyāpādanīkṣa mātrāḥ | śeṣaṃ pūrvavat | aṃśumatīdvayaṃ sālaparṇīpṛśniparṇyau | phalaṃ madanaphalam | kaṇā pippalī | ghano mustaḥ | ### [78.55](https://indike.org/pramana/in.med.samhita.astangasamgraha!indu.78.55) āmrādikaṃ kṣīreṇa piṣṭaṃ bastiḥ | āmrādīnyamlāni phalāni | madhukaṃ madhuyaṣṭī | añjanaṃ sām̐vārim | tairevāmrādibhissiddhaṃ tailamanuvāsanam | ### [78.57](https://indike.org/pramana/in.med.samhita.astangasamgraha!indu.78.57) jīvantyādye kṣīrajalasarpistailānāṃ samānam | snehāccatu rthāṃśaḥ piṣṭānām | tathā snehaṃ yathāmalamityanenaitaducyate | doṣamadhikaṃ jvare jñātvā kadācit sarpiradhikamatra kuryāt kadācittailamiti | ### [78.58](https://indike.org/pramana/in.med.samhita.astangasamgraha!indu.78.58) candanādibhirapi sādhitaṃ tailaṃ jvare'nuvāsanaṃ dadyāditi sambandhaḥ | paṭolādibhirapi | siddhiṣu bastisiddhyadhyāye ca jvaranāśanā vastayo vakṣyante tānapi jvare dadyāt | ### [78.59](https://indike.org/pramana/in.med.samhita.astangasamgraha!indu.78.59) tathā jīrṇajvare avasthāviśeṣajño bhiṣagvirecanaṃ nāma nasyavidhipradarśitaṃ nasyaṃ dadyāt | taddhi jīrṇajvaravataḥ śirorogādiharamindriyapāṭavaṃ ruciṃ ca karoti | yo hi jīrṇajvaravān śleṣmaṇaḥ kṣīṇatvāt śūnyaśirāstasya snaihikaṃ nāma nasyaṃ dadyāt | snaihikaṃ bṛṃhaṇam | dāhenārte pittanāśanaṃ śamanaṃ nasyam | ### [78.60](https://indike.org/pramana/in.med.samhita.astangasamgraha!indu.78.60) tathā jīrṇajvare kupitadoṣāpekṣayā dhūmādīnapi kalpayet | te hi tasya pratiśyāyādiharāḥ | ### [78.61](https://indike.org/pramana/in.med.samhita.astangasamgraha!indu.78.61) jīrṇajvare'rucau mātuluṅgakesaram ghṛtasaindhavayuktamāsyane dhārayet | drākṣādikalkaṃ vā | ### [78.62](https://indike.org/pramana/in.med.samhita.astangasamgraha!indu.78.62) yaśca jīrṇo jvarastvacamāśritya vartate tatrābhyaṅgādīn kuryāt | kiṃbhūtānāha | yathopaśayasaṃsparśān ya eva saṃsparśa upaśete śīto vā uṣṇo vā tena yuktān | tathā kadācicchītadravyakalpitān kadāciduṣṇadravyakalpitān | añjanadhūpāṃśca tvagāśrite kuryāt | āgantuke'pi jvare tathaiva yathopaśayetyādinā tānityabhyaṅgādīn yojayet | ### [78.65](https://indike.org/pramana/in.med.samhita.astangasamgraha!indu.78.65) dāha ityādinā dāhajvaracikitsā | sahasradhautaṃ sarpiryattāpitaṃ tāpitaṃ śītodakena śataśaḥ styānīkriyate | sūtrasthānoktairvā taistairmadhurādigaṇairityevamādau kvāthakalkīkṛtaistailaṃ pacediti sambadhyate | ghṛtamadhvityādi madhuro gaṇaḥ | dāḍimāmalaketyādiko'mlaḥ | harītakyādi kaṣāyaḥ | śodhanādigaṇādhyāyaḥ tatroktāni dūrvānantetyādīni pittaghnāni yeṣāmeva kvāthaparibhāṣayā kvāthaḥ teṣāmeva kalkaparibhāṣayā kalkaḥ | kṣīraṃ tailasamam | ### [78.66](https://indike.org/pramana/in.med.samhita.astangasamgraha!indu.78.66) candanādike pūrvavat tailamityanena sakṣīramiti smaryate | kālā nīlinī | madhurasā mūrvā | ### [78.67](https://indike.org/pramana/in.med.samhita.astangasamgraha!indu.78.67) yānyeva dravyāṇi tailasādhanāyoktāni taireva nātiślakṣṇapiṣṭairdāhe śiro gātraṃ ca pralepayet | teṣāmeva kvāthena pariṣekamavagāhaṃ ca yojayet | tathāranālādibhiḥ pariṣekamavagāhaṃ ca | ### [78.70](https://indike.org/pramana/in.med.samhita.astangasamgraha!indu.78.70) kapitthādibhiryathādāṃpādi yathālābhaṃ ca vyastaiḥ samastairvā lepā dāhaghnatvādiyuktāḥ | samasteṣu lepā iti bahuvacanaṃ punaḥ punaḥ kriyāpekṣayā | amlo'mlavetasaḥ | badarīpatrāṇāmamlānāṃ ca mumalakṣuṇānāṃ phena udgacchati | ariṣṭako nimbaḥ | kālīyakaṃ candanam | kucandanaṃ raktacandanam | ambu vālakam | tuṅgaḥ punnāgaḥ | padmakesaraṃ vā | āranālena kalpitāni nātiślakṣṇapiṣṭāni | ### [78.73](https://indike.org/pramana/in.med.samhita.astangasamgraha!indu.78.73) dhātryādibhirvṛkṣāmlādimiśca bījapūrarasādiyuktaiḥ śirasyaṅge ca pralepaistṛṣṇādayo naśyanti | naladaṃ māṃsī | vṛkṣāmlastintiṇī | gaurāṇāmamalakānāṃ kalko'mlena kāñjikayuktādinā yuktaḥ saghṛtaśca tadguṇastṛṣṇādināśanaḥ | ### [78.76](https://indike.org/pramana/in.med.samhita.astangasamgraha!indu.78.76) madhūkādayaḥ sarpirmadhubhyāṃ līḍhā dāhajvarādīn jayanti udīcyaṃ vālakam | madhūkaṃ madhūkapuṣpam | madhukaṃ madhuyaṣṭi | tasmiṃśca jvare madāhe'vaśyamadhikaṃ śleṣmalamāśu śītena madhuvāriṇā vāmayet | subodham | ### [78.79](https://indike.org/pramana/in.med.samhita.astangasamgraha!indu.78.79) vallakī vīṇā | mahādrumāścalatpravālāṅgulibhirdāhaṃ tarjayanti | kimbhūtāḥ kulyāmalilamālinaḥ tathā mandāniloddhūtāḥ yānyeva calatpravālāni tānyeva tarjanāḍuṅgulyaḥ | śiśūnāmavyaktā vāco dāhamāśu nirbhartsayanti | yoṣitaśca madanāturāḥ kāmātmamā vācaḥ | sajjanānāṃ ca sūnṛtā vācaḥ | sūnṛtāḥ priyasatyarūpāḥ | ### [78.80](https://indike.org/pramana/in.med.samhita.astangasamgraha!indu.78.80) tathā kāntānāṃ priyāgāṃ yāni kāntāni cārūṇyaṅgāni teṣāṃ saṅgamo dāhajvaraharaḥ śītajvaraharaśca | kathameke viruddhakārī bhavatītyāha rucītyādi | rucyanurodhena nānāvidhaśaktikaṃbhirolepanālaṅkārādibhiḥ samanvitaḥ | tathā ca kecit sthūlāmeva kāmayante | anye tanvīm | tathā kuṅkumādyanulapanācchītaharāḥ | tāśca dāhe śīte vā prayuktāḥ kāntā dāhaśītavyuparame punarapaneyāḥ na tu tābhiḥ saṅgataṃ ciraṃ kuryāt | ### [78.85](https://indike.org/pramana/in.med.samhita.astangasamgraha!indu.78.85) vīryoṣṇairityādinā śītajvaracikitsā | tagarādibhiranyaiśca vīrye sparśe coṣṇaiḥ kvāthitaistaireva ca kalkitaiḥ sauvīrakasurādiyuktaiḥ śīte jvare tailaṃ pacet | tena tailenābhyañjyāt | pṛthak snehasamaṃ kuryāt pañcaprabhṛti tu dravam | surādikaṃ cāmlaṃ yathālānaṃ prayuñjīta | na dvyādikaṃ dravaṃ miśrībhūtaṃ snehasamam | tairiti tagarādibhiḥ | sthauṇeyam | cāraṭīśukavarhākhyaṃ sthauṇeyaṃ tailapītakam | puro gugguluḥ | pṛthvīkā hiṅgupatrikā | hiṃsrā māṃsī | pattūro matsyākṣako jalaśākaḥ rohiṣo bhūtikam | sallakī surabhiḥ | mocā maheraṇḍaśvamṛtrikā | dīpyako'jamodaḥ | misiḥ śatapuṣpā | prakīryaḥ pūtikarañjaḥ | nākulī sarpasugandhā | ### [78.88](https://indike.org/pramana/in.med.samhita.astangasamgraha!indu.78.88) śuktādibhiḥ kevalairdravyasahitairapi tadvat pariṣekamavagāhaṃ ca yojayedityarthaḥ | kuṅkumādibhiḥ pṛthak sarvairvā pradehāḥ ślakṣṇapiṣṭāḥ śītajvaraharāḥ | subodham | ### [78.89](https://indike.org/pramana/in.med.samhita.astangasamgraha!indu.78.89) āragvadhendrayavapāṭalītyādivargaṃ pānādyanyatamayā kalpanayā yojayet | abhyañjanaṃ tena pakvaṃ tailam | lepane sa eva jalaṃpiṣṭaḥ | agarujo dhūpaḥ śītajvare hitaḥ | ye ca dhūpā viṣamajvare vakṣyante palaṅkaṣetyādinā tānapi śīte yojayet | ### [78.96](https://indike.org/pramana/in.med.samhita.astangasamgraha!indu.78.96) anagnikṛtāḥ svedāḥ nivātasadanagurū prāvaraṇamuhurmadyapānakṣudvyāyāmātapaniyuddhāvvabhāraharaṇāmarṣabhayairiti | hasantīva dīptatvāt hasantī hasantikā aṅgāraśakaṭī | tryūṣaṇaṃ maricaṃ pippalī śuṇṭhī ca | vepathuḥ śītena prakampaḥ | madhukādīnāṃ caturṇāṃ kalko madyena | subodham | ### [78.97](https://indike.org/pramana/in.med.samhita.astangasamgraha!indu.78.97) ānāhe mātrāśītīye'lasakoktāṃ kriyāṃ kuryāt | kālavit bhiṣagvyādhestadyogyaṃ kālaṃ jñātvetyarthaḥ | evaṃ cānāhinaṃ pippalyādisiddhāṃ yavāgūṃ pāyayet | ### [78.100](https://indike.org/pramana/in.med.samhita.astangasamgraha!indu.78.100) evamanantaroktayā kriyayā śītajvaro na śāmyati sopadravo yadi vartate tato'sminnāturastrapusamamāmaṃ bhakṣayitvānalaṃ bhajet | na tvevaṃ sarvatra api tvanilakaphe atyudīrṇe svasthānasthe pittasthānasthe vā | kiyantaṃ kālaṃ bhajedityāha | ā svedasambhavāttathā takrānupānaṃ trapusaṃ bhakṣayitvā prāvṛtaḥ sannā svedasambhavādātape tiṣṭhet | tataḥ svede sambhūte mṛditaḥ snātaśca pathyabhojī bhavet | gate jvara ityanenaitat pradarśyate | sajvaro bhakṣitatrapusaśca tadaharannaṃ na bhuñjīteti | evaṃ ca bhavatītyāha | ### [78.101](https://indike.org/pramana/in.med.samhita.astangasamgraha!indu.78.101) śamamityādi | vātakaphāvevaṃ pittavṛddhyā śamaṃ svadhāma ca prapadyete | tataśca tayoḥ śamaṃ svasthānaṃ ca yātayoḥ vātaśleṣmodbhavaḥ śītajvaraḥ śīghraṃ nivartate | ### [78.102](https://indike.org/pramana/in.med.samhita.astangasamgraha!indu.78.102) svarjikādibhiḥ snehāccaturthāṃśaistakraiṇeva snehasamena sādhitaṃ tailamabhyaṅgāddāhajvare dāhajit śītajvare śītajit | subodham | ### [78.103](https://indike.org/pramana/in.med.samhita.astangasamgraha!indu.78.103) vamanaiḥ kaphodbhave virekaiḥ pittodbhave bastibhirvātodbhava iti kramaḥ | parataśca sarvāvasthāsvapratiṣiddhāsu vijñeyaḥ | ### [78.104](https://indike.org/pramana/in.med.samhita.astangasamgraha!indu.78.104) saṃsṛṣṭairdvimaṅkhyairmiśrībhūtaistathā sannipatitaistulyairmiśrībhūtairubhayorapyekolbaṇairdvayolbaṇairvā yo jvarastān jvarān yathoktaireva yathādoṣamauṣadhairjayet | ### [78.105](https://indike.org/pramana/in.med.samhita.astangasamgraha!indu.78.105) vardhanenetyādi | viṣamadoṣamekasya doṣasya vardhanena jayet | athavā ekasyocchritasya kṣapaṇena jayet | athavā yatra dvāvucchritau tatraiko hīnaḥ | yatra dvau hīnau tatraika ucchrita iti | samadoṣaṃ tu kaphasthānānupūrvyā jayet | prathamameva kaphaviparītamauṣadhaṃ yuñjyāt tataḥ pittaviparītaṃ tato vātaviparītamiti | ### [78.106](https://indike.org/pramana/in.med.samhita.astangasamgraha!indu.78.106) sarvāsmin jvare nidrāyā nivāraṇopāyaḥ sanyāse yo'bhihitastīkṣṇanasyādikaḥ sa hitaḥ | sannipāte tu sa viśeṣeṇa hitaḥ | yo'yaṃ nidrākhya upadravo dāruṇaḥ sannipāte | ### [78.108](https://indike.org/pramana/in.med.samhita.astangasamgraha!indu.78.108) sannipātajvarasyānte sannipātajvareṇa kṣapite śarīre puruṣasya karṇamūle sudāruṇaḥ śophaḥ samprāptiviśeṣavaśājjāyate | tena śophena kaścideva vimucyate prāyo mārayatītyarthaḥ tasmāttaṃ śophaṃ kavalagrahāntaiḥ śīghraṃ jayet | ### [78.111](https://indike.org/pramana/in.med.samhita.astangasamgraha!indu.78.111) tathā ya eva vidhiḥ pūrvamuktaḥ sa eva viṣame satatakādike vātādidopaviśeṣakopavaśena yathātmīyaḥ kāryaḥ | yaśca vidhiranantaramucyate so'pi kāryaḥ | subodham | ### [78.112](https://indike.org/pramana/in.med.samhita.astangasamgraha!indu.78.112) tathā triphalādīnnānāvidhairvidhānaiḥ pṛthagyojayet | kadāciddopādyapekṣayā viṣamajvare triphalāḥ | kadāciddharītakī | kadācit guḍūcīti pṛthakśabdārthaḥ | subodham | ### [78.114](https://indike.org/pramana/in.med.samhita.astangasamgraha!indu.78.114) viṣame satatakādicatuṣṭaye yasmin dine jvara āgacchati tasmiṃllaṅghanaṃ vopakramaṃ bṛṃhaṇaṃ vā kurvīta doṣādyapekṣayā | subodham | ghṛtaṃ jīrṇamiti sambadhyate | tatheti satailam | tadvaditi prāgbhaktaṃ dadhyādikam | ṣaṭpalādikaṃ sarpiśca | ṣaṭpalaṃ pañcakola yavakṣāraiḥ rājayakṣmaṇyuktam | kalyāṇamunmāde| pañcagavyamapasmāre | tiktakaṃ kuṣṭhe | vṛṣaghṛtaṃ raktapitte | tathā mahataḥ pañcagavyasya vidhānenāpasmāroktena dvipañcamūlādikvāthena bhāṅgyādikalkena ca pañcamāhiṣamapi siddham | pañcamāhiṣāṇi vidrasamutrādīni | tadvadeva pañcājam | tathā caturauṣṭraṃ vidrasahīnam | siddhaṃ pakvam siddhaṃ nāma phalasādhanāya | ### [78.117](https://indike.org/pramana/in.med.samhita.astangasamgraha!indu.78.117) tathā kaṭurohiṇikādibhiḥ saṃyuktaiḥ pañcasu pañcagavyaprastheṣu siddhaṃ ghṛtaṃ siddham | gomayasvarasakṣīradadhimūtraghṛtāni ca pañcagavyāni | kalkasya snehāccaturthāṃśaḥ | granthikaṃ pippalīmūlam | ### [78.118](https://indike.org/pramana/in.med.samhita.astangasamgraha!indu.78.118) kolādikvāthe ghṛtāccaturguṇe dadhnā snehasamena paṭṭikālodhracūrṇasya snehāccaturthenāṃśena ghṛtaṃ pacet | ### [78.119](https://indike.org/pramana/in.med.samhita.astangasamgraha!indu.78.119) śṛtaṃ kṣīraṃ ghṛtaṃ kṣaudraṃ samaṃ gṛhītvā śarkarāpippalīcūrṇe gāḍhatvaparihāreṇa sammiśraya te khajāhatāḥ santo viṣamajvaranāśanāḥ | ### [78.121](https://indike.org/pramana/in.med.samhita.astangasamgraha!indu.78.121) tathā surādikaṃ sevitvā tadahaḥ svapyādathavā tatsevitvā vamet | ghṛtasya vā mahatīṃ mātrāmahorātrajaraṇalakṣaṇāṃ pītvā chardayet | ### [78.123](https://indike.org/pramana/in.med.samhita.astangasamgraha!indu.78.123) athavā tadaharjvarāgamanadivase svinnasya manto yāpanākhyamāsthāpanaṃ dadyāt | yāpanāḥ kalpasiddhiṣu vakṣyante | suvodham | vṛpadaṃśo mārjāraḥ | vṛpaḥ vṛṣapuṃgavaḥ | tasya viṇmastvaṃśena ca saṃyuktam | saindhavaṃ surayaiva | ### [78.125](https://indike.org/pramana/in.med.samhita.astangasamgraha!indu.78.125) vyāghravasā hiṅgusamā saindhavena ca stokena yuktā nasyam | purāṇasarpiḥ kevalam | ### [78.127](https://indike.org/pramana/in.med.samhita.astangasamgraha!indu.78.127) palaṅkaṣādikaṃ ghṛtābhyaktaṃ dhūpaḥ | viḍālaviṭ kevalā | purādibhiraparājitākhyo dhūpaḥ sarvajvareṣu kāryaḥ | puro gugguluḥ | ### [78.128](https://indike.org/pramana/in.med.samhita.astangasamgraha!indu.78.128) sahadevādibhiḥ sarvajvaraharān dhūmādīnyojayet | bhadrā kṛṣṇasārivā | nākulī sarpasugandhā | ### [78.129](https://indike.org/pramana/in.med.samhita.astangasamgraha!indu.78.129) cittavaikṛte ca bhūtonmādāpasmāreṣu dhūpādaya uktāste'pi kāryo yojyāḥ | daivāśrayaṃ bhaiṣajyaṃ maṇimantrādi | viṣamān jvarān nathantyapohatye viśeṣāt yathā daivavyapāśrayam | yataste vipamāḥ prāyeṇāgantorbhūtasaṅgādervātaprakopāderanubandhena jāyante | tatra ca daivavyapāśrayapraśrayaṃ karma | ### [78.130](https://indike.org/pramana/in.med.samhita.astangasamgraha!indu.78.130) viṣamajvare ca tīkṣṇauṣadhādibhiḥ sarvathā aśāntau yathāsvaṃ śirāṃ vidhyet | tṛtīyake'nayoraṃsayormadhye skandhasandhyādhaścaturthake | bāhvoścetyādi yathāsvaśabdārthaḥ | ### [78.132](https://indike.org/pramana/in.med.samhita.astangasamgraha!indu.78.132) rasasaṃsthe prādhānyena vamanam | anyadyathāyogyaṃ laṅghanam | raktasthe jvaraharān sekādīn | suvodham | medoghnaṃ yatkiñcit | asthisye jvare vātaśamanamabhyaṅgādikaṃ kuryāt | jvare cānyanna tathā vātārtiśamanaṃ yathā bastirattastamapi kuryāt | majjaśukrasthayoḥ kaṣṭatvādviśeṣeṇa noktam | sāmānyena tu majjñaścaturthakoktyaivoktam | ### [78.134](https://indike.org/pramana/in.med.samhita.astangasamgraha!indu.78.134) kevalānilādike jvare sarpiḥpānādikaṃ kuryāt | yathāsvaṃ cādhyāyeṣūktaṃ visarpādipu raktamokṣādi cikitsitaṃ tadapi jvare kuryāt | suvodham | ### [78.135](https://indike.org/pramana/in.med.samhita.astangasamgraha!indu.78.135) krodhakāmabhayaśokajān jvarāniṣṭaiḥ prīyairmanojñai ramaṇīyarjayat | pittaśamanena krodhajam | bhīśokakāmajān vātaśamanenetyarthaḥ | idaṃ hitaṃ tadātvānuvandhayoridamahitamiti jñātvā tadācaraṇaparihārābhyāṃ ca jayet | ### [78.136](https://indike.org/pramana/in.med.samhita.astangasamgraha!indu.78.136) krodhajastu jvaraḥ krodhaviṣaye kāmotpādanena śamaṃ yāti kāmajaśca kāmaviṣaye krodhotpādanena | bhayodbhavo jvaraḥ śokodbhavaśca tābhyāṃ kāmakrodhābhyāṃ śamaṃ yātaḥ bhayaviṣaye krodhaviṣaye ca doṣādyapekṣayā kadācit krodhaḥ kadācit kāmaḥ | tathetarau kāmakrodhodbhavau bhīśokābhyāṃ śamaṃ yātaḥ | subodhama | daivavyapāśrayo vidhirmaṇimantrādiḥ | ### [78.137](https://indike.org/pramana/in.med.samhita.astangasamgraha!indu.78.137) eteṣu cāgantujvareṣvāhārādikaṃ doṣānusāreṇa kalpayet | yataste āgantavo jvarā āgantusamavadhānavelāyāṃ kevalāḥ santāpamātrarūpā eva bhavanti | tathāpyanantaraṃ malairvātādibhirvyāpyante yasmāt jvaro mārutārdravinākṛto'nuvandhaṃ na gṛhṇāti | anubandhaścet sthitā eva mārutādaya iti | ### [78.139](https://indike.org/pramana/in.med.samhita.astangasamgraha!indu.78.139) na ca jvarī jvarahetukaharuṅkhanidrārayādivinodanāya vicitrāḥ praśastāśca dharmārthakāmasaṃyutāḥ kathāḥ śṛṇuyāt na tathā pretāṃśritāśca | asyāturasya jvarāgamanakālasmṛtiṃ manoharaiḥ śabdādibhirharet | subodham | ### [78.141](https://indike.org/pramana/in.med.samhita.astangasamgraha!indu.78.141) tatheti sarvānnāhāratve | hiśabdo yasmadarthe | yasmājjvaro nivṛtto gatvā punaḥ pratyāvṛttaḥ pūrvakṣapitatvāt durbalaṃ naraṃ śīghraṃ vyāpādayatīti | sa ca nivṛtto jvaro yasmāt sadyaḥ prāṇaharastasmāt tasyāvasthāviśeṣaṃ vikalpya yogyamauṣadhaṃ kuryāt | ### [78.142](https://indike.org/pramana/in.med.samhita.astangasamgraha!indu.78.142) manaso valāvalena tadā tadā jvaraḥ syādityuktamato manaḥpuṣṭaye manobhirāmā ityādikamucyate | viṣayāḥ śabdādikāḥ | dakṣiṇamanukūlam | śuddhaṃ rāgādibhiranupahatam | ### [78.143](https://indike.org/pramana/in.med.samhita.astangasamgraha!indu.78.143) mātrādīn pūjayet | dānādīṃśca śīlayet | śuciśca sanmūrdhnā siddhamantrādikaṃ dhārayet | ### [78.144](https://indike.org/pramana/in.med.samhita.astangasamgraha!indu.78.144) āryāvalokitākhyaṃ bauddha devaṃ praṇamet | tathaiva parṇaśabarīṃ nāma vidyāṃ tathāparājitāmāryatārāṃ ca sarvajvaranivṛtyarthaṃ praṇamedeva | ### [78.145](https://indike.org/pramana/in.med.samhita.astangasamgraha!indu.78.145) tathā gatoṣṇīpaṃ nāma mantraviśeṣaṃ japannāgantujairdoṣajaiḥ sahajaiśca rogairvimucyata iti | tacca tathā gatoṣṇīṣavat sarvavyādhicikitsitamasmābhiḥ parṇaśabaryādyāḥ paṭhyante | || iti dvitīyo'dhyāyaḥ || ## Linked texts (1) - [Aṣṭāṅgasaṃgraha](https://indike.org/pramana/in.med.samhita.astangasamgraha.2.5_4) — Vāgbhaṭa, Sanskrit --- Source: [https://indike.org/pramana/in.med.samhita.astangasamgraha!indu.78](https://indike.org/pramana/in.med.samhita.astangasamgraha!indu.78) · Pramāṇa