Ayurvedadipika (Carakatatparyatika) 1.1.44
Āyurvedadīpikā (Carakatātparyaṭīkā) (ed. Yādavjī Trikamjī Ācārya, 1981 printing) 1.1.44
- Language
- Sanskrit
1.1.44.1
sampratyatraiva jaṅgamaudbhidapārthivadravye yat praśastaṃ tadāha- mūlinya ityādi| mūlaṃ praśastatamaṃ yāsāṃ tā mūlinyaḥ; evaṃ phalinyo+api| ṣoḍaśeti cchedaḥ| mahāsnehā iti kṣīramāṃsādīnāmapi snehatayā snehādhyāye vakṣyamāṇatvena teṣu sarpirādīnāṃ bhūrisnehavattvena mahattvam| pañcaiva lavaṇānīti vimāne (vi.a.8) vakṣyamāṇalavaṇabahutve pañcānāmeva praśastatvena darśanārtham| evaṃ mūtrādiṣvapi prādhānyamunneyaṃ sajātīyeṣu| vedaviditi āyurvedavit||74-76||