Ayurvedadipika (Carakatatparyatika) 1.1.8
Āyurvedadīpikā (Carakatātparyaṭīkā) (ed. Yādavjī Trikamjī Ācārya, 1981 printing) 1.1.8
- Language
- Sanskrit
1.1.8.1
ke te maharṣaya ityāha- aṅgirā ityādi| bahvṛṣīṇāmatra kīrtanaṃ granthādau pāpakṣayahetutvena, tathā+a+ayurvedasyaivaṃvidhamahāpuruṣasevitatvena sevyatvopadarśanārthaṃ ceti| eṣu ca madhye kecidyāyāvarāḥ, kecicchālīnāḥ, kecidayonijāḥ, evamprakārāśca sarve militā boddhavyāḥ| bhikṣurityātreyaviśeṣaṇaṃ, vakṣyati hi- “tanneti bhikṣurātreyaḥ” (sū.a.25) iti| vaikhānasā iti karmaviśeṣaprayuktā sañjñā| vālakhilyāstu svalpapramāṇāḥ kecidṛṣayaḥ| nidhaya iva nidhayo+akṣayasthānatvena| damo dāntatvam| imāmiti agre vakṣyamāṇām||8-14||-