Ayurvedadipika (Carakatatparyatika) 1.7.20
Āyurvedadīpikā (Carakatātparyaṭīkā) (ed. Yādavjī Trikamjī Ācārya, 1981 printing) 1.7.20
- Language
- Sanskrit
1.7.20.1
ye bhūtetyādi| bhūtāḥ piśācādayaḥ, ādigrahaṇāt pātabandhanādīnāṃ grahaṇam| prajñā buddhistadaparādho+ajñānadurjñāne, etanmūlāścaite bhūtābhiṣaṅgādaya īrṣyādayaśca| yadyapi ca nijā api prajñāparādhamūlā eva; yaduktaṃ- “prajñāparādhāddhyahitānarthān pañca niṣevate” (sū.a.28) iti, tathā+api te prādhānyāt prajñāparādhajanitabāhyavātādirūkṣabhojanādijanyatvena tathā+antarā vātādijanyatvena pṛthaktvenocyante||51-52||