Ayurvedadipika (Carakatatparyatika) 6.3.61
Āyurvedadīpikā (Carakatātparyaṭīkā) (ed. Yādavjī Trikamjī Ācārya, 1981 printing) 6.3.61
- Language
- Sanskrit
6.3.61.1
uktasarpiṣpānāpavādaviṣayamāha- nirdaśāhamityādi| nirgato daśāho yasya sa nirdaśāhaḥ| alaṅghitamiti asañjātalaṅghitalakṣaṇam, iyaṃ cāvasthā prabalasāmadoṣārabdhatvājjvarasya tathā+asamyagupacārācca bhavatīti jñeyam| kaṣāyaistaṃ kaphottaramalaṅghitaṃ copācaret| yāvallaghutvāditi cchedaḥ| laghutve tu jāte kaphottaratā+alaṅghitatā ca nāpayāti na tadā sarpiṣpānamevānuvṛttaṃ kartavyamityarthaḥ| kaphottare+alaṅghite+api nirdaśāhajvare māṃsarasena kimarthamevamaśanaṃ kaphaviruddhaṃ deyamityāha- balaṃ hītyādi| balakṛcca taditi māṃsarasenāśanaṃ balakārakamityarthaḥ||165-166||-