Ayurvedadipika (Carakatatparyatika) 6.4.11
Āyurvedadīpikā (Carakatātparyaṭīkā) (ed. Yādavjī Trikamjī Ācārya, 1981 printing) 6.4.11
- Language
- Sanskrit
6.4.11.1
snigdhoṣṇamityādi nidānoktamapi prāyikatvādviśeṣopadarśanārthaṃ punarihocyate| prāyaḥśabdena kadācidrūkṣoṣṇamapi ūrdhvagasya heturbhavati, tathā snigdhoṣṇamapi adhogasyeti darśayati| evaṃ ca nidānamārgāniyame sati ‘mārgau doṣānubandhaṃ ca nidānaṃ prasamīkṣya ca’ ityatra mārgādi pañca (yacca) paṭhitaṃ...| yadyapyadhoge rūkṣoṣṇameva paraṃ hetustathā+api snigdhoṣṇaṃ kadācit kāraṇaṃ bhavati, snigdhakṛtaśca kapho+apyadhoge bhavati; evamūrdhvage+api cintanīyam| ūrdhvagaṃ kaphasaṃsṛṣṭamityādāvapi prāyaḥśabdasambandhādvyabhicāro jñeyaḥ||23-24||