Hārīta's Compendium of Medicine 3.3.22: dvāviṃśo'dhyāyaḥ

3.3.22.1

ātreya uvāca
raktavātasamudbhūtāndoṣāñchṛṇu mahāmate
kaṭyūrujānumadhye tu jāyate bahuvedanā

As long as a disease, having occupied a site, produces an abnormality, / so long does its counteraction [succeed] before the powerful one abandons its site.

3.3.22.2

gṛdhrasīti vijānīyāttena noktañca lakṣaṇam

3.3.22.3

jānumadhye bhavecchopho jāyate tīvravedanā
vātaraktasamudbhūtā vijñeyā koṣṭhaśīrṣikā

3.3.22.4

kaṇḍarā bāhupṛṣṭhe ca aṃgulyabhyantareṣu ca
karakramakṣayakarī sā vijñeyā vipaścitā

3.3.22.5

pādaharṣo bhaveccātra pādayorlomaharṣaṇam
kaphavātaprakopānte prasvedaḥ karapādayoḥ

3.3.22.6

pittavātānvitaṃ cānte uṣṇatvaṃ karapādayoḥ
amīṣāṃ rudhirasrāvaṃ tataḥ svedaṃ ca kārayet

3.3.22.7

abhyaṅge vātahṛttailaṃ pānaṃ rāsnāyāḥ pañcakam
śatāvarī bale dve ca pippalī puṣkarāhvayam

3.3.22.8

cūrṇameraṇḍatailena gṛdhrasīmapakarṣati
ajamodādikaṃ cūrṇamāmavāte prakīrttitam

3.3.22.9

tadatra yojanīyaṃ ca gṛdhrasīnāṃ nivāraṇam
etairnajāyate saukhyaṃ dahellohaśalākayā

3.3.22.10

pādarogeṣu sarveṣu gulphe dve caturaṅgule
tiryagdāhaṃ prakurvīta dṛṣṭvā pāde śirāṃ dahet

3.3.22.11

vātarogeṣu proktāni pathyāni cātra yojayet

3.3.22.11.p1

ityātreyabhāṣite hārītottare tṛtīyasthāne gṛdhrasīcikitsā nāma dvāviṃśo'dhyāyaḥ