Hārīta's Compendium of Medicine 3.3.36: ṣaṭtriṃśo'dhyāyaḥ

3.3.36.1

ātreya uvāca
vraṇoktairupacāraiśca jāyate ślīpadaṃ tathā
vātena sphuṭitaṃ rūkṣaṃ śyāmañcāpi pradṛśyate

Having three feet, ashes as a weapon, three heads, and a very large belly, / clad in tiger skin, possessing a tawny, radiant body,

3.3.36.2

sadāhapākaṃ pittena sajvarañcaiva dṛśyate
śleṣmaṇā jāyate snigdhaṃ ghanaṃ śophasamanvitam

3.3.36.3

sannipātena sarvāṇi jāyante bhiṣajāṃvara
medāśritaṃ tu vālmīkaṃ valmīkavat pradṛśyate

3.3.36.4

sadṛśāni ca cihnāni vātikotthāni lakṣayet
tasya vraṇoktāḥ kriyāśca kārayedvidhipūrvikāḥ

3.3.36.5

jātyādi ca ghṛtaṃ śastaṃ tathaivālepanāni ca
punaḥ pralepanaṃ kāryaṃ dhavārjunakadambakaiḥ a

3.3.36.6

girikarṇikāmūlañca tathā vṛkṣādanīmapi
piṣṭvā pralepanaṃ kāryaṃ vālmīkaślīpadasya ca

3.3.36.7

sūraṇakandakaṃ piṣṭvā madhunā ca ghṛtena ca
lepanaṃ ca hitaṃ tasya vālmīkaślīpadāpaham

3.3.36.7.p1

ityātreyabhāṣite hārītottare tṛtīyasthāne ślīpadacikitsā nāma ṣaṭtriṃśo'dhyāyaḥ