Hārīta's Compendium of Medicine 3.3.49: ekonapañcāśattamo'dhyāyaḥ

3.3.49.1

ātreya uvāca
prathame māsi yaṣṭīmadhuparuṣakaṃ madhupuṣpāṇi yathā lābham
navanītena payo madhu madhuraṃ pāyayecca

Sweet flag, carom seeds, the three fruits, and dry ginger in a decoction at night, or in fever born of phlegm, / will be digestive of the humour for a man suffering from pain, catarrh, and chronic rhinitis.

3.3.49.2

dvitīye māsi kākolī madhuraṃ pāyayettathā
tṛtīye kṛśarā śreṣṭhā caturthe ca kṛtaudanam

3.3.49.3

pañcame pāyasaṃ dadyāt ṣaṣṭhe ca madhuraṃ dadhi
saptame ghṛtakhaṇḍena cāṣṭame ghṛtapūrakam

3.3.49.4

navame vividhānnāni daśame dohadaṃ tathā
māse tṛtīye samprāpte dohadaṃ bhavati striyaḥ

3.3.49.5

yadyat kāmayate sā ca tattaddadyādbhiṣagvaraḥ

3.3.49.6

varjayeddvidalānnāni vidāhīni gurūṇi ca
amlāni soṣṇakṣīrāṇi gurviṇīnāṃ vivarjayet

3.3.49.7

mṛttikā bhakṣaṇīyā na na ca sūraṇakandakāḥ
rasonaśca palāṇḍuśca santyājyo gurviṇīstriyā

3.3.49.8

sūraṇāni pradeyāni gaulyāni sarasāni ca
pathye hitāni caitāni gurviṇīnāṃ sadā bhiṣak

3.3.49.9

vyāyāmaṃ maithunaṃ roṣaṃ śoṣaṃ caṃkramaṇaṃ tathā
varjayedgurviṇīnāñca jāyante sukhasampadaḥ

3.3.49.10

athopapannaṃ vihitamapi svakīyācāreṇa pañcamāsikamaṭamāsikaṃ vā
brāhmaṇamaṅgalādibhirgotrabhojanamapi karttavyam
dohadādiṣu paripūrṇeṣu rūpavān śūraḥ paṇḍitaḥ śīlavānputro jāyate

3.3.49.10.p1

ityātreyabhāṣite hārītottare tṛtīyasthāne garbhopacāro nāma ekonapañcāśattamo'dhyāyaḥ